Vendasit krijuan epërsi të hershme (9’) me anë të Cristian Tellos, i cili pranoi një top nga Leo Messi për të shënuar golin e parë me fanellën e Barcës, dhe ky ishte goli i vetëm në pjesën e parë.

Në gjysmën e dytë, pas rasteve të shumta të humbura, futbollisti që mban epitetin më të mirit në botë, Lionel Messi, arriti të realizojë.

Argjentinasi pranoi një krosim të jashtëzakonshëm të Daniel Alves për të dalë fitues përballë portierit Bravo (72’), i cili ia mohoi shumë raste të mëparshme.

Mirëpo, ende pa përfunduar festa e Blaugranëve, Antoine Griezmann shfrytëzoi një gabim të lojtarëve vendas dhe pasoi te Carlos Vela, ndërsa ky i fundit e rihapi takimin (74’).

Megjithatë, katalunasit e ruajtën rezultatin deri në fishkëllimën e fundit të gjyqtarit për të rrëmbyer tre pikë të plota.

Barcelona pozicionohet në vend të dytë në tabelën e La Ligas, me shtatë pikë diferencë nga lideri Real Madrid. /Telegrafi/

Mbretërit ishin skuadër më e mirë në gjysmën e parë, në të cilën arritën të shënojnë një herë.

Një krosim nga këndi të Mesut Oezil e shfrytëzoi për mrekulli me kokë mbrojtësi Sergio Ramos, i cili e la të pa shpresë portierin Moya (18’).

Në fraksionin e dytë, mysafirët ishin edhe më dominues duke krijuar raste të shumta shënimi, mirëpo mungoi konkretizimi, ashtu që goli i pjesës së parë rezultoi i vetmi në këtë përballje.

Pas kësaj fitoreje, Real Madridi ka dhjetë pikë më shumë se Barcelona që luan përballë Real Sociedadit në kuadër të kësaj jave. /Telegrafi/

Vazhdimi në kontrollin total të Arsenalit, por ishte Pedersen që barazoi me një super-gjuajtje të lirë në minutën e 32. U deshtën vetëm 6 minuta që të ktheheshin sërish personazhet e njëjta, dhe Walcott gjeti mrekullueshëm Van Persien për 2:1. Pas dy mintash ishte Van Persie me një asist fantastik për Alex Oxlade-Chamberlain dhe për rezultatin 3:1.

Në minutën e 43 Blackburn mbeti me një lojtar më pak pas përjashtimit me të kuq të Givet për shkak të ndërhyrjes me të dyja këmbët në Van Persien. Në pjesën e dytë radha për Artetën për 4:1 (min 51), e më pas sërish i riu Chamberlian për 5:1 (min 54). Holandezi në formë Van Persie e kompletoi hat-trickun në minutën e 61 për rezultatin prej 6:1. Dhe, ëmbëslira s’kish si vinte ndryshe por me një gol të legjendës së gjallë të kësaj skuadre Tierry Henry në sekondën e fundit të ndeshjes.

Tifozët e Arsenalit vendosën që pikërisht sot të protestojnë duke vënë qese bërllogu në ulëset e Emirates. Do t’i kenë rënë pishman.
szólj hozzá: Arsenal v Blackburn 7:1 Henry

Protagonist i takimit sërish ka qenë Besart Berisha, i kthyer nga pezullimi njëjavor që i dha Federata Australiane.

Sulmuesi shqiptar ka qenë autori i golit të dytë për skuadrën e tij, duke e ndihmuar që të marrë suksesin që i mban në vendin e tretë në renditjen e kampionatit.

Pas momentit të vështirë të javëve të fundit, Berisha e ka festuar golin duke përqafuar trajneri Ante Postecoglu. Ky i fundit e ka mbrojtur atë gjatë kësaj periudhe dhe ka deklaruar shpesh se futbollisti shqiptar është sulmuesi më i mirë që ka stërvitur ndonjëherë ndërsa të gjitha shanset që ka ekipi për të rifituar titullin varen nga forma e futbollistit shqiptar, transmeton LSH.

Për Berishën, ky ishte goli i 12-të në këtë kampionat, duke vazhduar të qëndrojë i vetëm në kryesimin e renditjes së golashënuesve.

Ndonëse po kalon një formë të shkëlqyer, ai është lënë në harresë nga FSHF-ja, e cila prej kohësh nuk merr në konsideratë grumbullimin e tij me fanellën kuqezi./koha/

Nuk janë më vetëm Zvicra, Finlanda, Suedia e Norvegjia vendet ku po zhvillohen talentet nga vendi ynë. Edhe në Danimarkë kanë filluar të mbijnë talentet me prejardhje shqiptare.

Ueb faqja daneze www.indkast.dk ka përpiluar një listë prej shatë futbollistëve të gjeneratës 1994 si e ardhja e futbollit danez. Në mesin e tyre është edhe mbrojtësi me prejardhje nga Tetova, Riza Durmisi, i cili është pjesë e klubit danez Brondby.

Kjo ueb faqe shkruan se ekipi kombëtar i Danimarkës duket se i ka gjetur yjet e së ardhës pas Eriksenit, Bendtnerit e Boilesenit. Sipas saj, në dekadën e fundit është bërë punë e madhe nga trajnerët e grupmoshave të reja dhe tashmë kanë dalë edhe frytet.

“Riza Durmisi është definicion i një mbrojtësi modern. Ai është jashtëzakonisht i shpejtë. Luan në krahun e majtë dhe është shumë i mirë në sulm dhe mbrojtje”, shkruan indkast.dk për tetovarin e talentuar.

Përveç Durmisit, në mesin e futbollistëve të lindur në vitin 1994 dhe që llogariten si e ardhmja e Danimarkës janë: Patrick Olsen, Kasper Larsen, Pierre-Emile Højbjerg, Lucas Andersen, Kenneth Zohore, Viktor Fischer

Verën e vitit të kaluar, Durmisi ka luajtur në Kampionatin Botëror U-17, i cili u mbajt në Meksikë. Ai e ka përfaqësuar Danimarkën në Grupin F, pjesë e të cilit grup ishin Brazili, Bregu i Fildishtë dhe Australia.

Ai më herët ka luajtur edhe me ekipin U-16 të Danimarkës, kurse në këtë vit paralajmëron se do të ftohet edhe nga përfaqësuesja U-18 dhe U-19 e këtij vendi.

Por, 18 vjeçari synon edhe më shumë. “Unë jam ende i ri, por shpresoj që pas dy apo tri vjetësh do të luaj edhe me Kombëtaren A të Danimarkës”, u shpreh shpresa e Brondbyt për Express.

Durmisi karrierën e ka filluar te klubi danez SB50 ISHOJ, ku ka qëndruar tri vjet me radhë. Më pas është transferuar te skuadra e Brondbyt, ku luan edhe sot me ekipin U19.

18 vjeçari nga trajnerët krahasohet me yllin e Barcelonës, Dani Alves dhe atë Real Madridit, Marcelo.

“Në Brondby jam që nëntë vjet, ndërsa kontratë kam edhe dy vjet të tjera. Pas një viti besoj se do të luaj me ekipin e parë. Trajnerët më thonë se unë luaj si Alves dhe Marcelo, pasi luaj në të dy krahët”, theksoi Durmisi.

Ai thotë se në adresë të tij tashmë kanë arritur oferta nga klube të ndryshme evropiane. Mbrojtësi i talentuar, pas futbollit danez, preferon të luajë në Gjermani ose Spanjë.Nga Valdet Hasani /gazetaexpress/

Paraqitjet e tij gjatë ndeshjeve që Prishtina i ka zhvilluar në Ulqin, japin shpresë se ai mund të kthehet në mënyrë triumfale në Superligë. Goli ndaj Petrovacit e veçmas dy golat ndaj skuadrës polake Lodz, janë vepër të cilën mund të bëjnë vetëm shënuesit e spikatur, e në këtë mjedis gjithsesi është edhe Enis Fetahu. Megjithatë, ka diçka që nuk e lë rehat. Është lëndimi dhe telashet me unaza, të cilat edhe shqetësojnë mjaft dhe janë fajtorë që një kohë ishte jashtë fushës së futbollit.

“Ka momente kur ndihem shumë keq dhe nuk jam në nivelin e duhur. Kështu në ndeshjen miqësore kundër Çelikut të Nikshiqit, nuk mund të qëndroja as në bankinë dhe ishte e pamundur t’i ndihmoja shokët. Mirëpo, duket se stërvitjet po e bëjnë të veten dhe tani po ndihem shumë më mirë, jo vetëm fizikisht, por në çdo aspekt tjetër. Fatmirësisht kam gjetur mirëkuptimin e trajnerit, i cili e ka të qartë problemin tim dhe kjo më jep motiv shtesë që të mos dorëzohem”, tha Fetahu, tejet i kënaqur me pozitën që e luan në skuadër.

“Nga unë kërkohen gola dhe kjo është detyra ime kryesore. Është kjo pozita e cila më së shumti më përgjigjet, të cilën di ta bëj më së miri. Këtë e ka kuptuar me kohë trajneri Jerat dhe për këtë ndihem më i lirshëm në fushë”, thotë dikur futbollisti i skuadrës së njohur kroate NK Zagreb.

Si të gjithë futbollistët e Prishtinës, edhe Enis Fetahu është i kënaqur me përgatitjet e skuadrës në Ulqin dhe me ndeshjet kontrolluese.

“Jemi përgatitur aq mirë sa që lirisht mund të them se për Prishtinën kampionati mund të fillojë sot. Atmosfera është vërtet shumë e mirë, trajneri ka sjellë një frymë të re duke gërshetuar përvojën dhe rininë e futbollistëve, disiplinë të madhe, thjesht një punë profesionale nga trajneri gjerman”, shprehet ish-goleadori i shumë skuadrave kosovare, i cili është shumë optimist jo vetëm për paraqitjet e tij, por edhe të Prishtinës në stinorin pranveror, i cili duhet të nisë me 3 mars.

“Nuk ka dyshim se pa problem do ta ruajmë vendin e parë. Nuk po shoh se kush mund të na ndalë. Madje, jam i bindur se rivalët tanë do të dorëzohen pas javës së pestë të pranverës dhe nuk do t’u japim rast as të bëjnë dallavere”, thotë Enis Fetahu, duke lavdëruar edhe mbrojtjen e Prishtinës, për të cilën thotë se vështirë do të pësojë gola në vazhdim të kampionatit.

Mesfushori i Fulhamit, Pajtim Kasami, nuk është bërë pishman që ka vazhduar karrierën në Craven Cottage.

Shqiptari me nënshtetësi zvicerane ishte kërkuar nga Juventusi, por ai kishte refuzuar të gjitha ofertat për të qëndruar me Fulhamin.

“Jam shumë i lumtur këtu dhe nuk do të shkoj askund. Do të luftoj për vend”, ka thënë Kasami.

Agjenti i Frederic Veseli thotë se Sir Alex Ferguson ishte kyç në vendimin e lojtarit për t’iu bashkuar Manchester United.

“Ai është një person të cilit është vështirë t’i thuash jo dhe rekordi i tij ishte i mjaftueshëm që Freddie të mendojë se vendimi për t’iu bashkuar United është i duhuri”, ka thënë agjenti i lojtarit, Adam Bouskouchi, për mediat angleze. /Telegrafi/

Djali i tij, Jimmy Dundee tha se “e gjithë familja ishte me të” dhe shtoi se “kemi humbur një njeri të madh, i cili pati jetë të mrekullueshme”.

Raportohet se Angelo Dundee vdiq në Tampa të Floridës, pas një sulmi në zemër.

Në ceremoninë ku u shënua ditëlindja e 70-të e Muhamed Aliut, në muajin janar, pat marrë pjesë edhe ish trajneri i tij, Dundee, i cili me të ka punuar gjatë pjesës më të madhe të karrierës së Aliut.

Dundee ishte trajner i 15 kampionëve botëror në boks, përfshirë edhe Shugar Rqy  Leonard dhe Geroge  Foreman.

Para pak ditësh Nuri Seferi gjindej në Atëdhe për një sër aktivitesh, në Gostivar u shpall “Qytetar Nderi”, në Tetovë u zgjodh sportisti më i mirë i Diasporës, kurse në Tiranë u takua personalisht me kreun e Aleancës Kuq e Zi (Kreshnik Spahiu) për të dorëzuar kërkesën e antarësimit në këtë lëvizje mbarëpopullore e cila krahas Levizjes Vetëvendosje në Kosovë e ka marë rrugën e pandalshme drejt Bashkimit të Trojeve Shqiptare.

Kërkesa për antarsim në Aleancën Kuq e Zi nga Kampioni Nuri Seferi është pranuar me shumë entuziazëm nga kreu i saj Kreshnik Spahiu dhe natyrisht se është aprovuar, Spahiu është deklaruar shumë i lumtur me mbështetjën e një sportisti me famë Evropiane siç është Nuri Seferi, sepse vlerat e tij janë shumë të mëdha, njëriu i cili lufton burrërisht në ring e di se ç´far do të thot luftosh edhe jashtë ringut për të mbrojtur idealin e vetëvetës dhe të kombit.

Për Nuri Seferin përkrahja dhe bashkimi me Aleancën Kuq e Zi ka qenë vetëm pyetje e kohës, vullnetin e tij për Bashkimin e Trojeve Shqiptare Nuri Seferi e ka shprehur gjithmonë në Media por edhe me mbrojtjen e ngjyrave Kuq e Zi në ring, Seferi ka kontribuar pa ndalë për kombin shqiptarë, 37 luftrat e tij burrërore në mbarë Evropën, në Turki por edhe në Rusi nuk do të harrohen kurrë, Seferi është kampion aktual i Europës në verzionin WBO, ai radhitët në vëndin e 5 të botës në kategorinë “Cruiserweight” dhe nëse shkon çdo gjë mirë atëherë do të lufton në këtë vitë për titullin e botës.

Sëbashku me Nuri Seferin, Aleancës Kuq e Zi i është bashkuar edhe ekipi i AlbanianBoxing.com duke shpresuar se edhe më shumë të rinjë e të reja të mendojnë Kuq e Zi dhe të veprojnë Kuq e Zi./AlbanianBoxing/

Pjesën e parë e dominuan Rossonerët me disa raste të volitshme, por gjithçka ndryshoi në pjesën e dytë.

Milani bën disa zëvëndësime, largon nga loja Shaarawyn, që tregohet një vendim jo i qëlluar, ndërsa në lojë u fut Seedorf.

Hernanes fillimisht kaloi në epërsi Lazion në minutën e 76-të, kurse vetëm disa minuta më vonë (85’), Tommaso Rocchi dyfishoi epërsinë në 2-0 që ishte dhe rezultati përfundimtar i takimit.

Me këtë fitore Lazio ngritet në kuotën e 39 pikëve, kurse Milani mbetet në pozitën e dytë me 43 pikë, një më pak se lideri Juventus dhe vetëm një pikë më shumë se Udinese në vendin e tretë me 41 pikë.
/Telegrafi/