Vështirësi në komunikacion është regjistruar edhe në autostradën e Korridorit 10 dhe 8, e cila nuk është pastruar plotësisht dhe ka borë, që mund të shkaktojë probleme, në rast të rënies së temperaturave.

Aeroporti “Shën Apostoll Pavli” në Ohër është bllokuar dhe mbyllyr përkohësisht, ndërsa në Aeroportin “Aleksandri i Madh” në Shkup ka probleme për shkak të vonesës së fluturimeve. Nëpër këto aeroporte janë ndërmarrë aksione pastrimi, por megjithatë fluturimet kanë shënuar vonesa në Aeroportin e Shkupit.

Aeroporti i Ohrit do të lëshohet gjatë ditës, pasi që të bëhet pastrimi i tij. Me këtë disa nga fluturimet e drejtuara për në Shkup mund të aterojnë më pas edhe në Ohër.

Bora ka shkaktuar probleme edhe në transportin hekurudhor dhe të autobusëve. Gjithashtu edhe trenat dhe autobusët kanë shënuar vonesa.

Nga reshjet e borës disa fshatra të rajonit të Tetovës dhe të Gostivarit janë të izoluara, ndërsa është vështirësuar edhe komunikacioni nëpër rrugët rajonale. Fshatra të izoluara janë evidentuar edhe në rajonin e komunës Mavrovë- Rostushë. (INA)

PDSH përfundimisht ka prishur bashkëpunimin e nisur me RDK dhe kjo është konfirmuar në mbledhjen e mbrëmshme të kryesisë së PDSH-së.

Kryesia ka mbështetur kërkesën e anëtarit të kryesisë dhe deputetit Orhan Ibrahimi, i cili një javë më parë deklaroi se kërkon shqyrtimin e koalicionit me RDK, pas takimit të liderit të kësaj partie Rufi Osmani me kryetarin e komunës së Strumicës, Zoran Zaev, që njëherit është edhe nënkryetar i LSDM-së opozitare.

Në RDK bëjnë të ditur se nuk kanë marrë përgjigje zyrtare nga ana e PDSH-së lidhur me prishjen e bashkëpunimit. Kryetari i RDK-së, Rufi Osmani mbrëmë për TV Alfa deklaroi se për hir të interesave shqiptare dhe me synim të bashkëveprimit opozitar kishte pranuar të ulet dhe të shprehet i gatshëm për bashkëpunim me PDSH-në. Ai mbrëmë deklaroi se nuk ka marrë ndonjë konfirmim nga kreu i PDSH-së, Menduh Thaçi për prishjen e koalicionit. (INA)

Kreu i BFI-së Sulejman Rexhepi në një deklaratë për TVM-2, tha se shqiptarët nuk janë shkaktarë e as provokues të incidenteve të fundit. Sipas tij, iniciator i përshkallëzimit të situatës janë organizatorët e karnavalit të Vevçanit. Kreu i BFI-së, Sulejman Rexhepi, njëherësh apelon për bashkimin e forcave fetare dhe kombëtare për tejkalimin e këtyre fenomeneve negative.

‘Kisha lutur qytetarët e Republikës së Maqedonisë, pa marrë parasysh përkatësinë e tyre etnike dhe fetare, e sidomos myslimanet e rajonit të Strugës dhe më gjerë, sepse nuk janë ofenduar vetëm myslimanet e vendit dhe jashtë vendit, por edhe shumë të tjerë, që të jenë gjakftohtë. I lus edhe mediat, si të shkruara edhe elektronike, që të mos hedhin benzinë në zjarr, por të informojnë në mënyrë objektive, për zgjidhjen e situatës përmes dialogut, mirëkuptimit dhe tolerancës ndëretnike dhe ndërfetare,’- tha kreu i BFI-së për TVM-2.

Zyra e Bashkimit Evropian në Shkup ka kërkuar që të ulen tensionet ndëretnike dhe ndërfetare, pas incidenteve të fundit që pasuan me përqeshjen e fesë islame dhe myslimanëve në Karnevalin e Vevçanit dhe pas incidenteve në dy kisha nëpër fshatrat e Strugës.

BE kërkon gjithashtu që autoritetet qeveritare të zbardhin incidentet e fundit dhe të nxjerrin para drejtësisë autorët e këtyre akteve.

Zyrtarë të lartë të BE-së në Shkup në një prononcim për REL kanë theksuar se marrëdhëniet e mira ndëretnike janë thelbi kryesor në një shtet, duke nënvizuar me theks të veçantë frymën e Marrëveshjes së Ohrit.

Gjithashtu edhe OSBE ka ndërmarrë masa dhe po analizon situatën në terren në rajonin e Strugës. Përfaqësues lokal të OSBE apelojnë që të ulen tensionet dhe qetësimin e situatës.

Organizata për Bashkëpunim Rajonal dhe Integrime Evropiane (OBRIE) kërkon që institucionet qeveritare me seriozitet maksimal të përkushtohen në parandalimin e skenarëve të fundit në rajonin e Strugës dhe të krijojnë besimin për uljen e tensioneve dhe realizimin e një projekti për rikthimin e marrëdhënieve ndëretnike në nivelin më të lartë të tyre.

“Në këto situata shihet qartë se ka tendenca për rrënimin e marrëdhënieve ndëretnike dhe ndërfetare. Skenarët e tilla nuk janë të rastësishme, por ato gjenerohen nga qendra të caktuara që dëshirojnë tensionim dhe tendosje të situatës së përgjithshme të sigurisë dhe në planin e marrëdhënieve ndëretnike. Institucionet si në nivel lokal ashtu edhe qendror duhet të dëshmohen në luftimin e këtyre skenarëve që paraqesin dhe kanë si synim regresin e vendit dhe thellimin e proceseve euroatlantike”, theksohet në një prononcim të OBRIE për agjencinë e lajmeve INA në Shkup. /ina/

Ambientet ndihmëse të kishës ortodokse “Shën Nikolla” në Llabunishtë të Strugës mbrëmë rreth orës 22.00 janë përfshirë nga zjarri.

Zjarri ka ndodhur vetëm një orë e gjysmë, pasi që në këtë fshat ka qëndruar kryetari i komunës, Ramiz Merko, për të biseduar me banorët lidhur me qetësimin e situatës dhe rritjen e mirëbesimit ndëretnik pas tensioneve të fundit në rajonin e Strugës, informon agjencia e lajmeve INA.

Banorët përreth kanë intervenuar në lokalizimin dhe shuarjen e zjarrit e më pas kanë intervenuar edhe zjarrfikësit dhe zjarri është lokalizuar.

Banorët e Labunishtës dhe të Strugës vlerësojnë se pas këtyre incidenteve dhe skenareve qëndrojnë qarqe që dëshirojnë përkeqësimin e situatës dhe krijimin e skenareve të errëta. “Kjo është një skenar për të krijuar në pasqyrë të errët, sidomos për ne shqiptarët, sepse me këto akte normalisht se krijohet opinion mashtrues për të nxjerrë fajtorë dikë, që as që mund të jetë i përfshirë në akte të tilla. Apelojmë që shteti të ndërhyjë seriozisht në këto situata dhe të gjejë autorët që kanë strategji dhe qëllime të errëta, për të nxier popullin”, theksojnë banorë të Labunishtës, duke dënuar aktet e tilla.

Fshati Llabunishtë ndodhet 14 kilometro në përëndim të fushës së Strugës, ku jeton popullësi e përzier etnike, me shumicë të dominuar shqiptare. Policia e rajonit të Strugës ka shtuar masat e sigurisë dhe patrullimet në këtë zonë, që ditëve të fundit është përfshirë me incidente të ndryshme.

Disa ditë më parë u regjistrua akti vandal i grafiteve ofenduese në muret e kishës Oktis dhe vandalizmi në fshatin Borovec fqinj me Labunishtën.  Nxitja e tensioneve filloi me aktet përqeshëse dhe ofenduese të fesë islame dhe komunitetit mysliman gjatë karnevalit të Vevçanit dhe më pas protesta e besimtarëve mysliman pranë komunës së Strugës, që çoi më pas në djegien e flamurit shtetëror. (M.Latifi/INA)

Kush është 89 vjeçarja Regina Pejoska-Kavajeva nga baba ortodoks, nga nëna hebreje, që ndërroi jetë muajin e kaluar dhe u varros në varrezat muslimane me rite islame në Ohër.

Mehmet Latifi/INA

Muajin e kaluar në Ohër ndërroi jetë në moshën 89 vjeçare, farmacistja e mirënjohur Regina Pejoska. Ajo u nda nga jeta qetësisht, ashtu si ishte e qetë, në mënyrë të qetë u varros në varezat e qytetit në Ohër, por gjithçka bëri bujë kur Regina që njihej si ortodokse u varros në varrezat myslimane të qytetit të Ohrit.

Renja, siç e kanë njohur ohërjanët Reginën, që është  e bija e dr. Vlaldimir dhe dr.Elena Kavajev ( e lindur Etinger), sipas origjinës që ia përshkruajnë, nga baba maqedonas (?) dhe me përkatësi fetare ortodokse, ndërsa nga nëna, Elena Etinger, me origjinë hebreje, përfundon në varrezat muslimane në Ohër!

Varrimi me ceremoni fetare islame, me xhemat dhe me hoxhë, në varrezat muslimane në Ohër, ka ngritur shqetësimet në qarqet, duke theksuar se Regina, e cila ka jetuar një jetë të qetë, ka qënë e vetmja pasardhëse e dr Vladimirit dhe dr Elena Kavajev-Etinger, mjek të nderuar e të respektuar të Strugës e Ohrit, dhe ka përfunduar në varrezat muslimane e jo në varrezën e përbashkët familjare, bashkë me prindërit e saj.

Gjithë ky mister, lidhet me bashkëshortësinë e saj të dytë, me një ohërjan –siç e quajnë të natyralizuar-, i cili ka qënë shumë vite më i ri se ajo, dhe është konvertuar- ka kaluar në fenë islame. Vlerësimet dhe “shqetësimet e ohërjanëve përfundimit të Reginës në varrezat muslimane në Ohër, në përjetësinë e saj, lidhen pikërisht me këtë bashkëshortësi, që e konsiderojnë bashkëshortësi të pazakonshme dhe të panatyrshme, përkundër faktit se kjo bashkëshortësi është regjistruar në mënyrë të rregullt me lidhjen e kurorës zyrtare në institucionin përkatës.

Kush ishte Regina 

Regina Pejoska, ishte farmaciste, ishte e bija e prindërve mjek: Vlladimir dhe Elena Kavajev, të cilët kanë shërbyer në këtë rajon nga fillimi i dekadës së tretë të shekullit të kaluar.

Vdekja dhe varrimi i Regina Pejoska-Kavajeva, ka trazuar shpirtërat në Ohër dhe është bërë temë boshte e bisedave dhe debateve të shumta, që lidhen me misterin e vdekjes dhe varrimit të kësaj pasardhëse të familjes mjekësore Kavajevi, që kanë qënë bashkëveprimtar dhe bashkëpunëtor të Leninit (Vlladimir Iliç Uljanov-Lenini).

Kjo grua, nga familja fisnike Kavajev, që sipas të dhënave që disponohen, rrjedh nga qyteti i Kavajës në Shqipëri, ndaj dhe mbiemri i tyre është Kavajev. Ajo ndërroi jetë në moshë të shkuar, duke mos lënë pasardhës, por e la vetëm bashkëshortin nga bashkëshortësia e dytë, S. Pejoski. Misteri për vdekjen dhe varrimin e sajë lidhet pikërisht me bashkëshortin e sajë të dytë!

Ajo ka jetuar në Ohër, në shtëpinë familjare në qendër të qytetit, për të cilën ata që e njohin nga afër pohojnë se ka qënë jo vetëm shtëpi, por muze i rrallë familjar.

Ish-shërbërtorja e shtëpisë synon ti konfiskojë pasurinë 

Deri para 5 vjetëve, për Reginën është kujdesur një qytetare e Ohrit, e cila ka bërë edhe marrëveshje valide për përkujdesje. Nga momenti që në shtëpinë e saj vjen bashkëshorti i saj i dytë- Abdullahu, (Sande Pejoski)- emrin e të cilit ohërjanët nuk dëshirojnë t’ia përmendin, me të cilin Regina, në moshën 84 vjeçare, lidhë kurorë zyrtare qyetare, qytetarja ohërjane që kujdesej për Reginën, Violeta Karadimçe-Janeva,  këtë martesë e ven në pikëpyetje, dhe ngrenë procedurë pranë Gjykatës Themelore në Ohër, për pronësinë e premtuar.

Në prononcimet e saja nëpër media, pos tjerash ajo është shprehur:” Ajo që në këtë moment kërkojmë është që Renja-Regina, të rivarroset me të gjitha simbolet dhe ceremonitë krishtere, ashtu si ka karëkuar ajo, në Kongratën e verifikuar në Gjyq, për përkujdesje të përjetshme me mua”-ka thënë Violeta Karadimçe-Janeva, duke shtuar: “Në varrezën familjare, të cilën ajo e ka ndërtuar, bashkë me të jatin dhe të ëmën, ajo ka lënë vend edhe për fotografinë e vet. Kur filloi të mbështillet lëmshi rreth sajë, kemi kërkuar ndihmë nga insttucionet kompetente, por nuk arritëm të kemi ndihmën e tyre. Tani, pas vdekjes së sajë, iu drejtuam Mitropolisë së Ohrit prej nga poashtu nuk kemi përgjigje.Apeloj për mirëkuptim dhe humanitet njerëzor” ka përfunduar prononcimin e saj, Violeta Karadimçe-Janeva.

Familja ishte bashëveprimtare e Leninit 

Prindërit e Renjës- Regina Pejoska, kanë qënë bashkëveprimtar dhe pjesëmarës në Revolucionin e madh të tetorit, udhëhequr nga Vlladimir Iliç Lenini.

Babai i Reginës, dr. Vlladimir Kavajev, i lindur në Strugë, -siç  u tha edhe më lartë, supozohet se është me origjinë nga Kavaja, është person me një histori filmike të jetës së tij. Jeta ate e ka bartur nga Struga, nëpër Manastir, Selanik, Stamboll, ku ka filluar mësimet për mjekësi, të cilat më pas i ka vazhduar në Bejrut dhe përfundimisht në Akademinë mjekësore ushtarake në Petrograd të Rusisë. Supozohet se është i vetmi qytetar nga Maqedonia, që është fotografuar bashkë me Leninin, Maksim Gorkin, Lav Trockin, që dëshmojnë fotografitë e përbashkëta dhe afërsinë e tij me këto figura dhe personalitete të kohës.  Ai mjek kirurg, ndërsa bashkëudhëtarja e tij e jetës, hebrenje polake, Elena Etinger mjeke pedijatër, mikeshë e ngushtë e Roza Luksemburgut, të cilët jeta dhe fati i ka bashkuar si pjesëmarrës në revolucionin e madh të tetorit, të Leninit, i cili, martesën e tyre e ka përshëndetur me një telegram të veçantë, special. Ajo-dr.Elena Kavajeva-Etinger, e lindur në qytetin Çestohova të Polonisë, më 20 nëntor të vitit 1893, ndërsa ka vdekur në moshën 90 vjeçare, më 2 shkurt, 1983 në shtëpinë familjare në Ohër.

Dr.Elena Kavajeva-Etinger, ka qënë fëmija e fabrikantit Jusef dhe Regina Etinger, e cila ka studjuar mjekësinë në Bern të Zvicrës, ndërsa është diplomuar në Berlin më 1913 dhe më pas udhëton për në Petrovgrad (Sankt Petersburg), ku takohet me Leninin dhe shërben në spitalin ushtarak gjatë Revolucionit të tetorit.

Pas përfundimit të “misionit” në revolucionin e tetorit, çifti Kavajevi, këthehen në Strugë, duke u ndalur për disa kohë në Berlin, ku dr. Elena ka specializuar pedijatrinë. Ata në Strugë këthehen në vitin 1923, ndërsa katër vjet më vonë transferohen në Ohër dhe formojnë shërbimin kundër malarjes. Ndërkaq, dr.Vlladimir Kavajev, ka vdekë më 11 korrik të vitit 1931, në Zagreb, ku është varrosur me ceremoni ortodokse në varrezat Mirogoj.

E bija e tyre, Regina, pas vdekjes së ëmës, dr.Elena Kavajeva-Etinger, më 1983, i ka transferuar eshtrat e të jatit nga Zagrebi dhe i ka vendosur në varrezën familjare, bashkë të të ëmën.

Si si ka përfunduar Regina në varrezat muslimane në Ohër; pse ka mbetë bosh vendi për fotografinë e saj në varrezën familjare në varrezat ortodokse dhe shumë dilemma të tjera janë misteret që “shqetësojnë” dhe trazojnë shpirtërat në Ohër. Të gjitha këto lidhen me bashkëshortësinë e dytë të Reginës, me një maqedonas, që e ka ndërruar fenë dhe ka kaluar në islam, ndaj dhe përcjellja deri në shtëpinë e saj të fundit është bërë me rite dhe ceremoni fetare islame, me xhematë dhe hoxhë.

Misioni i Dr.Elenës në Shqipëri 

Në Ohër, nuk pushojnë komentet se familjarët e dr.Vlladimirit dhe të dr.Elenës, sidomos ata nga Polonia dhe nga Franca, janë të befasuar me këtë ngjarje, me shpresë se do të përmirësohet kjo padrejtësi dhe se Regina do ti bashkangjitet prindërve të sajë në varrezën familjare. Poashtu, ajo që ia vlen të përmendet, është se qytetarët e Ohrit, janë në pritje që me ndonjë iniciativë individuale, grupore, ose nga Ministria e shëndetësisë, reparti i pedijatrisë në Ohër të pagëzohet me emrin e dr.Elena Kavajevës, themeluese e shërbimit pedijatrik në Ohër.

Poashtu, është për tu theksuar fakti se, dr.Elena Kavajeva, është mjekja e parë femër, që ka shërbyer si mjeke në Shqipëri, e cila ka shërbyer në Elbasan, në shtëpinë e Ibrahim Beranite pastaj edhe në Korçë dhe Tiranë. Ajo është verifikuar nga një komision mjekësor në Shqipëri dhe pas verifikimit të njohurive mjekësore, i është lëshuar më datë 3.10.1926, nënshkruar nga Dr.R.Frashëri.

Megjithate, misteri i varrimit të Regina Pejoska në varrezat muslimane në Ohër, me të gjitha ritet dhe ceremonitë fetare islame, nuk po e len të qetë Ohrin, që shtron dilemën për këtë mister me pyetjen: si ka mundësi, që një krisheter, nga baba krishter, nga nëna hebreje, të përfundojë në varrezat muslimane. Përgjigja është: e vërtetë. Regina Pejoska është varrosur në varrezat muslimane në Ohër.

(Kjo storje ekskluzivisht është hulumtuar nga agjencia e lajmeve INA)

Dr. Shefqet Pollozhani pranë varrit të Dr.Reginës (Foto: INA)

Dëshmitarët kanë theksuar se viktima ishte mysafirë tek një mik i tij dhe se gjatë kthimit të tij në shtëpi ka ndërruar jetë. Ai ishte në gjendje të alkoolizuar dhe ka rënë në tokë, duke humbur vetëdijen dhe më pas është ngrirë plotësisht.

Trupi i tij më pas është gjetur nga fshatarët dhe pas verifikimit dhe ekzaminimit nga policia, është konstatuar se ndaj tij nuk është ushtruar dhunë

Por sipas mediumeve maqedone incidente në Strugë kanë ndodhur e 27.01(e premte) pas orës 19.00.

Kështu një grup personash në dalje të fshatit Veleshtë e kanë sulmuar autobusin e ndërmarjes transportuese Sprija nga Vevçani i cili transportonte udhëtar prej Strugë për në fshatin Vevçan dhe me këtë rast ka mbetur i lënduar shoferi i autobusit.

Kurse në qytetin e Strugës kanë ndodhur dy incidente. Deri më tash persona të panjohur para Pallatit të Kulturës e kanë djegur flamurin e Maqedonisë. Kurse një grup tjetër para ndërtesës së Komunës e kanë hjekur flamurin maqedonas dhe e kanë vendosur flamurin Islam. Kurse flamuri shqiptar ka vazhduar të qëndroj.

Policia siç informojnë nga SPB e Ohrit është në teren dhe e ndjekë situatën.

(tetova1.com)

Momente nga protesta e sotme mund të shikoni në videon e mëposhtme:

Texti i plotë

Myftinia e Bashkësisë Fetare Islame në Strugë organizoi sot një protestë paqësore në shenjë të reagimit kundër ofendimeve dhe shtrembërimeve të fesë islame që i`u bënë në Karnevalin e Vevçanit.

Në këtë karneval, një grup cirkusantësh u shfaqën me veprime makabre të përdhosjes së flamurit islam, Kur`anit famëlartë dhe perversitete tjera kundër riteve të fesë islame.

Në sheshin e Strugës, -fillimisht para ndërtesës së komunës, ishin tubuar mijëra pjestar të komunitetit musliman, për të shprehur revoltën e tyre dhe për të mbrojtur dinjitetin dhe islamin në përgjithësi. Gjatë kohës së grumbullimit në sheshin e qytetit, kolonat e protestuesve që vinin nga vendbanimet rurale, duke brohoritur “Allahu ekber, Allahu ekber”, mbushën sheshin, ku ishte ndalua qarkullimi i veturave.

Të pranishmëve iu drejtua në emër të Myftinisë së Strugës, myftiu, Dr. Ferat Polisi, i cili pasi përcolli përshëndetjet e kryetarit të BFI-së, H.Sulejman ef. Rexhepi, elaboroi se feja islame është fe e paqës, e tolerancës, bashkëjetesës, mirëqenjes, duke shprehur revoltën e besimtarëve islam, tha: “Në të ashtuquajturin karneval të Vevçanit, ku ishte e pranishme edhe ministresha e kulturës, deputet të pozitës dhe opozitës, u përdhosën vlerat islame, fyen ndjenjat e besimtarëve, që besimtarët musliman kurrë nuk e kanë bërë një gjë të tillë, duke prekë ndjenjat e ndonjë populli ose besimi tjetër. Në skenat e atij dhe karnevaleve të ngjashme prishet bashkëjetesa. Na habitë fakti se aty ishin ministresha e kulturës, deputet, kryetari i komunës së Vevçanit e të tjerë dhe nuk pati asnjë reagim”.

Në vazhdim të fjalës së tij të rastit, muftiu Dr.Ferat Polisi shtoi: “ Ky tubim proteste, ka edhe një mesazh që thotë se këto treva dhe këtë popull ka kush e mbron. Jemi dëshmitar se provokime ka nga të katër anët e Maqedonisë, ndaj shqiptarëve dhe muslimanëve. Shtrohet pyetja, përse asnjë arrest e asnjë burgosje për ata që shkelën mbi flamurin e Islamit, ndërsa kur patrioti Minir Ismaili e dogji flamurin ai u arrestua. Gjëra të tilla nuk do të tolerojmë. O shtet i përbashkët o i askujt, sepse me taksat e tatimet tona dhe me shkelë mbi dinjitetin e popullit tonë nuk do ta tolerojmë”.

Duke përfunduar fjalën e tij, ai shtoi: “Kërkojmë nga kryetari i komunës së Vevçanit, që gjënë më të vogël që mund ta bëjë, të kërkojë falje publike. Kjo është një protestë e popullit paqësor, popullit të dinjitetit, të popullit të kulturës, të popullit të lashtë  të trojeve etnike shqiptare, ndaj ashtu si keni ardhur qetë, ashtu edhe të shpërndaheni qetë, me dinjitet, duke mos rënë në provokime të mundshme”.

Në vazhdim, me një fjalë rasti të pranishmëve iu drejtua edhe kryetari i komunës së Strugës, Ramiz Merko, i cili ndër të tjera theksoi se ky tubim shprehë ndjenjën e shqetësimit të madh, sepse Struga si komunë multietnike dhe multifetare, qytet i toleramcës dhe bashkëjetesës së të gjitha komuniteteve është e indinjuar nga të gjitha ato pamje që dolën në një far lloj karnevali. “Ne nuk do të tolerojmë të përdhosë përkatësinë fetare dhe fenë të cilën e kanë shumica e popullatës jo vetëm në Strugë. Shqiptarët dhe muslimanët janë tolerat dhe kanë bashkëjetuar me të gjitha etnitetet, me të gjitha fetë, që ia duan vendit, Ballkanit dhe Europës. Ne kërkojmë që ata të dënohen dhe dënimi do të vijë nga ne dhe të korkojmë që dënimi të vijë nga ndokah tjetër, për të gjithë ata që zhvlerësojnë përkatësinë fetare islame, jo vetëm në Strugë. Ata mund të imitojnë secilin, por nuk mund të luajnë me ndjenjat muslimane”.

Më pastaj, Abdurrahman Sherifovski, nga Shoqata për kulturë nga Llabunishta, “Ikre”, para gazetarëve parashtroi reagimin e kësaj Shoqate, e cila kërkon falje publike nga organizatorët e karnevalit dhe nga kryetari i komunës së Vevçanit dhe shtoi: “ kërkojmë ngritjen e procedurës penale bazuar në ligjet dhe Kushtetuën e Maqedonisë. Në të kundërtën, do të konsiderojmë se edhe ata janë mbështetës të sjelljeve të këtilla të organizatorëve. Nuk është demokraci keqpërdorimi dhe zhvlerësimi i të tjerëve, por kjo është shkelje  e Kushtetutës e cila thot se ndalohet çdo veprim që shkakton padurueshmëri dhe urrejtje racore, fetare ose etnike. Pikërisht, nga Vevçani, në Llabunishtë punojnë 25 punëtorë, ndaj nëse nuk respektohen këto kërkesa tona, do të detyrohemi që ti largojmë nga puna këtë punëtorë, të ndërpresim edhe raportet me Shtëpinë e shëndetit dhe spitalin e Vevçanit”.

Edhe xhemati i Llabunishtës insiston në dorëheqjen e parevokueshme të kryetarit të komunës së Vevçanit, organizatorëve dhe personave që përdhosën dhe fyen ndjenjat e muslimanëve, e ndër ta kishte edhe punëtor të shërbimit shëndetësor që shërbejnë pikërisht në Llabunishtë.

Protesta kundër përdhosjes, njollosjes dhe fyerjes së fesë islame, Kur’anit famëlartë, flamurit musliman dhe pikëpamjeve tjera gjatë karnevalit që skajshmërisht fyente ndjenjat fetare, përfundoi qetë.

Gjatë kësaj proteste, pjestarët e policisë, që ishin në numër të konsideruar, vetëm e shënuan praninë  e tyre, sepse nuk kishte asnjë incident. (Mehmet Latifi/INA)

Sekretariati për evrointegrime njoftoi se në këtë takim që zhvillohet me nismën e zëvendëskryeministres Arifi do të bisedohet për procesin e integrimit evropian, bashkëpunimin në shfrytëzimin e IPA fondeve dhe për çështje të tjera të interesit të përbashkët.

Takimi ishte paralajmëruar të zhvillohet në muajin dhjetor, ndërsa ishte shtyer nga pala greke. Në njoftimin zyrtar të kabinetit të zëvendëskryeministrit Arifi nuk është përmendur çështja e kontestit të emrit, si problem kyç midis dy vendeve, ndërsa lidhur me këtë nuk dihen arsyet se përse dhe kush kërkoi ndalimin e mospërfshirjes së çështjes së emrit në njoftimin drejtuar mediave nga sekretariati për integrime evropiane. (INA)

Gazetari Ademi ishte dëshmitar i gjallë i gjithë atyre fyerjeve të
tifozëve maqedonas në adresë të shqiptarëve. Në një deklaratë ekskluzive
për “Lajm”, ai tha: “Ka qenë diçka rrëqethëse për mua, sepse nuk mund
t’i besoja as syve, e as veshëve se për çfarë arsye shahen shqiptarët.
Gjatë tërë ndeshjes brenda në sallë, jashtë saj dhe në çdo kafiteri, ku
ishin tifozët maqedonas, janë fyer shqiptarët. Pothuajse çdo pesë minuta
është dëgjuar refreni: Neka znaat kletite shqiptari deka makedonsko ime
nema da zagine (le ta dinë shqiptarët e mallkuar se emri maqedonas
asnjëherë nuk do të humbet)”, tha gazetari  Ademi.

.

Lajmi bëhet i ditur nga njoftimet e SPB-së në Tetovë, ku si[ theksohet se rreth orës 17 në kafenenë “Dafi” ka shpërthyer një zënkë që ka përfunduar me përleshje fizike, ku më plagë të rënda në kokë ka përfunduar Hasmir.H.

Sipas njoftimeve të policisë, personi i lartëpërmendur me vetëdije të humbur është dërguar për në Qendrën medicinale në Tetovë. Policia ka kryer ekspertizën në vendin e ngjarjes dhe do të pastrojë tërë rastin e këtij incidenti. /ina/