Pasi ka falenderuar preshevarët për pritjen vllazërore, Edi Rama është ndalur në mungesën e një materniteti dhe të shkollave në këtë zone të banuar nga shqiptarët, duke propozuar një nismë ligjore parlamentare.

“Nuk ka kohë për të humbur dhe menjëherë ne duhet të vijmë me një lëvizje, për të mundësuar një ndihmë të parë, krejt të mundshme, për bashkësinë shqiptare të Luginës së Preshevës. Të gjitha nënat e reja shqiptare të asaj zone, duhet të ikin larg

nga aty për të lindur fëmijët e tyre. Edhe për shkollimin e fëmijëve nuk është ngritur ende asnjë shkolle e re në 20 vitet e fundit. Le ta formulojmë sa më parë një nismë ligjore parlamentare dhe t’i vëmë këto financime në dispozicion të administratës vendore atje”, tha Rama.

Edi Rama ka ngarkuar kryetarin e Komisionit Parlamentar të Integrimit Ditmir Bushati, në përgatitjen e një pakete propozimesh për një strategji të përbashkët, per shqiptaret në rajon.

Rama: Mbështesim Prokurorinë

Kreu opozitës rinkonfirmoi votimin pro heqjes së imunitetit të tre deputetëve socialistë pas kërkesës së Prokurorisë.

“Vënia e tyre me vullnet të lirë dhe të plotë në dispoziocion në Prokurorisë, në mbështetje të hetimit të 21 Janarit, menjëherë pas kërkesës së Prokurorisë e nderon PS-në dhe këtë grup parlamentar. Ne e mbështesim pa asnjë lëkundje e kusht, hetimin dhe vetë prokuroren e Përgjithshme, e cila gjendet nën presion barbar të një pushtetit të gozhduar, përballë provave të zbardhura me ndihmën e FBI-së. Ina Rama për ne nuk është Silvia Konti, kur na intereson dhe ‘lavirja e bulevardit’, kur s’na intereson, por Prokurorja e Përgjithshme e Republikes. Mbështetja për punën e saj është në interes të vendit dhe shoqërisë. Për ne interesi i vendit dhe i shoqërisë është mbi cdo interes vetjak apo partiak”, theksoi Rama.

Deklarimet dhe qëndrimet e kryeministrit Berisha për 21 Janarin, Edi Rama i ka cilësuar si një minim të përpjekjeve të Shqipërisë, në ndërtimin e shtetit të së drejtës.

“Kryeministri e ka shfaqur haptas qellimin e tij për të vënë nën kontroll plote Prokurorinë, drejtësinë dhe vetë SHISH-in përmes imponimit të një presidenti të nxjerrë nga barku i oborrit të vet. Madje ai ka kërcënuar se më pas do të hetojë edhe presidentin aktual edhe Prokuroren e Përgjithshme edhe vetë familjet e viktimave të 21 Janarit, pa llogaritur opozitën që do të përballet me një ‘gjueti shtrigash’ të ngjashme me kohën kur presidenti i Republikës quhej Sali Berisha”, tha Rama.

Kreu i PS-së ka rikujtuar dështimet për marrjen e statusit të vendit kandidat, duke shprehur shqetësimin se vlerësimi i tretë i progresit të Shqipërisë në progreset integruese do të mund ta gjejë Shqipërinë përballë këtij provimi europian, pa 21 Janarin të pandëshkuar përfshi korrupsionin e pandëshkuar, siç theksoi Rama, të ish-zëvëndësit të kryeministrit të vendit.

Në komunën e Medvegjës është shpallur gjendje e jashtëzakonshme për shkak të motit të keq.

Sipas informacioneve nga autoritetet lokale në këtë komunë është shpallur zyrtarisht gjendje e jashtëzakonshme, si pasojë e temperaturave të ulëta polare dhe nga reshjet e mëdha të borës, raporton Ina.

Disa fshatra totalisht janë të izoluara dhe të bllokuara nga bora, dhe se banorët apelojnë për ndihmë dhe ndërhyrje, për të zhbllokuar lëvizjen e lirë të tyre.

Ndër fshatrat më të rrezikuara janë Maqedonc, Tupallë, Bucumec si dhe zona pranë kufirit me Kosovën

Me këtë rast ajo thekson se gjatë kontaktit me anëtarët e familjes të cilët po përkujdesen atje për gjendjet Dardanit potencojnë se në dallim me ditë më parë tani ai ushqehet dhe shëndeti i tij është më i mirë. Rasti në fjalë na bënë të kuptojmë dhe të kemi kujdes si të rriturit e posaçërisht fëmijët që të mos jemi pre e qenëv endacak të cilët qarkullojnë edhe në mes të ditës në qendër të qytetit.

Nga ora 14:15 deri 15:45, do të bëhet promovimi i Librit “Kurban” më Sallën e Kuvendit komunal të Preshevës.

Panelistë do të jenë:

Edi Rama (Autori i Librit)

Nerimane Kamberi (Shkrimtare)

Ragmi Mustafa (Sociolog)

Moderator: Enkel Rexhepi

Nga ora 16:00 – 17:00, është organizuar drekë pune e Edi Ramës me kryetarin e Komunës së Preshevës Ragmi Mustafa, kryetarin e Komunës së Bujanocit Shaip Kamberi, Besim Abduli Kryetari i kuvendit Komunal të Preshevës, Jonuz Musliu – Kryetar i Kuvendit komunal  të Bujanocit, Fehmi Beja – Nënkryetar i Kuvendit Komunal të Bujanocit.

Nga ora 17:00, Edi Rama do të jetë në emision direkt në TV Aldi me gazetarë të medieve lokale

Në këtë aksident fatal kanë humbur jetën tre shqiptarë nga Tetova: Besim Fetai, 38 vjeç, Femi Fetai, 25 vjeç dhe Osman Osmani, 55 vjeç, raporton INA.

Ata po udhëtonin me makinën e tyre “Audi”, kur në orët e hershme të mëngjesit janë përplasur rëndë dhe kanë hyrë nën rrotat e një kamioni me targa greke.

Sipas njoftimeve të policisë serbe, shkaqet e aksidentit janë rruga me borë dhe e rrëshqitshme.

Sic ka mësuar presheva.com, ngasësi i i Mercedesit ka qenë nga Terrnoci 26 vjeçari Mensur Sherifi, i cili është dërguar për në qendrën spitalore të Nishit, pasi që gjendja e tij është në rrezik për jetë.

Në këtë aksident trafiku që ka ndodhë ndërmjet kombi veturës me targa të qytetit të Leskocit dhe veturë e tipit Mercedes me  targa të Bujanocit, ka mësuar presheva.com.

“Kjo vizitë është në kuadër të programeve të qeverisë tonë për t’i vizituar jo vetëm diasporën por edhe trojet tona etnike ku jetojnë dhe veprojnë shqiptarë etnik jashtë kufijve administrativ të Kosovës. Gjatë qëndrimit tim në Preshevë do të takohem me liderë si Riza Halimin deputetin popullor kryetarin e Komunës së Preshevës z.Ragmi Mustafën, Galip Beqirin kryetarin e Këshillit Nacional Shqiptarë si dhe liderët e subjekteve tjera politike e shoqërore në rajon. Kjo vizitë do të jetë dyditore pasi që të premten do të vazhdojë në Bujanoc ku do të takohem me kryetarin e Bujanocit z.Shaip Kamberin dhe liderët tjerë atje. Qëllimi i kësaj vizite është që shkurt të njihemi për situatën ekonomike e politike të vëllezërve tanë në Luginë të Preshevës”, ka potencuar Makolli.

Ai ka bërë të ditur se kjo vizitë do të realizohet me kërkesë të tij, dhe ishte planifikuar më herët dhe sipas Makollit nuk ka të bëjë asgjë me letrën e intelektualëve të Luginës të cilët kanë kërkuar vizita të zyrtarëve kosovarë në këtë pjesë

Watch live video from standardtv1 on Justin.tv

Një nismë e ndërmarrë nga intelektualët është shfaqur nëpërmjet një letre apeli, pas vizitave të shpeshta të presidentit serb Boris Tadiq në Kosovë, informon agjencia e lajmeve INA.

“Meqë presidenti Tadiq dhe zyrtarët e tjerë serb hyjnë e dalin në Kosovë për një grusht bashkëvendas të tyre, presidenti i Shqipërisë, Bamir Topi, presidentja e Kosovës, Atifete Jahjaga, kryeministri Sali Berisha apo kryeministri Hashim Thaçi të marrin përgjegjësinë dhe shembullin duke bërë përpjekje diplomatike që të vijnë një ditë të vizitojnë tre komunat e anashkaluara shqiptare nën Serbi, të vizitojnë monumentet kulturo – historike shqiptare si Molla e Kuqe, Masurica dhe lokalitete tjera, etj”, theksojnë për INA, intelektualët shqiptarë.

Një arsye tjetër që përmendet është edhe simbolika e vizitës të ndodhë gjatë marsit, kur më 1 dhe 2 mars të këtij viti shënohet 20 vjetori i referendumit për bashkëngjitje me Kosovën dhe 11 vjetori i Marrëveshjes Paqësore të Konçulit, që parandaloi konfliktin e armatosur të UCPMB-së me forcat shtetërore serbe.

Intelektualët shqiptarë të Luginës apelojnë që institucionet shqiptare në Tiranë, por sidomos në Prishtinë të ngrisin zërin për të shënuar dhe rikujtuar dëbimin dhe gjenocidin masiv të ushtruar ndaj shqiptarëve duke i dëbuar nga vendbanimet shqiptare në Serbinë Qendrore.

Ilir Meta, në cilësinë e zëvendëskryeministrit dhe ministrit të jashtëm shqiptar dy vite më parë ishte njëri ndër zyrtarët më të lartë të institucioneve të shtetit shqiptar që vizitoi Luginën e Preshevës. (R.Hasani/INA)

Kengetari i njohur i muzikes popullore Sinan Hoxha do t’i bashkengjitet sot faqeve te “Bluetooth”-it me nje lajm qe e ben pjese te nje skandali. Pas publikimit te kenges per bashkimin kombetar nen titullin “Kuq e Zi” ne bashkepunim me koleget Meda e Seldi, e cila duhet thene se ka arritur nje rekord klikimesh (mbi 1 milion e gjysme) edhe pse ka vetem pak dite qe eshte publikuar, kengetarit nuk i kane munguar ofertat per koncerte nga te kater anet e globit. Shume te tilla i kane ardhur atij edhe nga Presheva, e cila permendet disa here ne tekstin e kenges.

E pikerisht gjate nje koncerti te mbajtur ne Presheve, ku ka pasur nje pritje madheshtore, ose me sakte gjate rruges se kthimit, Sinan Hoxha eshte konfliktuar me autoritetet serbe, te cilat i kane kerkuar te heqe menjehere xhaketen, mbi te cilen eshte qendisur shqiponja dykrenare. Kete xhakete Hoxha e ka veshur edhe ne xhirimet e videoklipit tej e tej Shqiperise. Ofendimeve te pales serbe per simbolet tona kombetare, Sinan Hoxha u eshte pergjigjur me te njejten monedhe, duke i fyer gjithashtu ata dhe sic mesohet mes te tjerash, i ka thene “Fuck Serbia”, ama kjo gje i ka kushtuar jo pak. Tete ore te mira ne qelite e paraburgimit, derisa organet shqiptare kane nderhyre per lirimin e tij. Ndonese na vjen keq per kete ndodhi, ndihemi mire kur mesojme qe Sinani s’ka lejuar perdhosjen e simboleve tona kombetare, te cilat duhet thene qe jane te ndaluara te ekspozohen ne Presheve. /bluetooth/janar 2012/

Kosovalbaner shtesë:Keti teksti ja bashkangjesim vidoe klipin e fundit te Sinan Hoxhes me Meden dhe Seldin,qe tani sigurisht kjo kenge e ka edhe nje vlerë me te madhe per Sinan Hoxhen

Madje, përfaqësuesit shqiptarë të Luginës së Preshevës thonë se kjo marrëveshje përveç se ka cunguar lirinë e lëvizjes edhe ashtu të kufizuar, ka zhytur në bllokadë të tërë qarkullimin e qytetarëve të atjeshëm. Mirëpo, autoritetet qeveritare në Prishtinë, zotohen se brenda pakë ditësh kompanitë e sigurimeve do të arrijnë një marrëveshje për heqjen e këtyre tarifave.

Jonuz Musliu, kryetar i Kuvendit Komunal të Bujanocit, i ka deklaruar gazetës përmes telefonit se marrëveshja e arritur për lirinë e lëvizjes mes palës kosovare dhe asaj serbe, është e disfavorshme dhe ka dëmtuar në masë të madhe xhepin e varfër të shqiptarëve të Luginës. Ai madje, ka theksuar se nga paraqitja e tarifave enorme dhe reciprociteti në kuadër të këtyre tarifave për policat kufitare të sigurimit, shihet se nuk është lehtësuar lëvizja e lirë, por përkundrazi është vendosur embargo për shqiptarët.

“Me këtë marrëveshje është bërë një kolaps për banorët shqiptarët të Luginës dhe se qytetarët tashmë janë të izoluar. Kjo marrëveshje vetëm sa ka cunguar lirinë edhe ashtu të kufizuar të lëvizjes, si dhe ka bllokuar qarkullimin e lirë”, ka thënë Musliu.

Sipas marrëveshjes, tarifat doganore që momentalisht paguhen nga veturat me targa të Serbisë që hyjnë në Kosovë, kanë edhe çmimet e caktuara. Qytetarët e Luginës së Preshevës për të hyrë në Kosovë me veturë, paguajnë 60 euro për 15 ditë, ndërsa tarifa vjetore kushton hiq më pak se 603 euro. Por, kjo tarifë nuk vlen edhe për qytetarët që hyjnë me targa të Kosovës në Serbi, të cilët përveç se pajisen me targa provuese të Ministrisë së Punëve të Brendshme të Beogradit, ata detyrohen të paguajnë për policat kufitare të sigurimit as më shumë dhe as më pak se 240 euro për një muaj.

Mirëpo, një qytetar nga Lugina e Preshevës i ka deklaruar gazetës se kjo masë nuk vlen edhe për qytetarët serbë, të cilët po vazhdojnë të qarkullojnë pa u penguar, me targat e tyre të vjetra ilegale ( GL, PR, UR…etj), pavarësisht se një gjë e tillë është në kundërshtim me vetë marrëveshjen e arritur në dialogun teknik mes Prishtinës dhe Beogradit.

Edhe Belgzim Kamberi, kryetar i Këshillit të të Drejtave të Njeriut në Luginë të Preshevës, thotë se kjo marrëveshje vetëm sa ka përkeqësuar lirinë e lëvizjes dhe është në dëm të shqiptarëve të asaj ane.

“Është cenuar në masë të madhe liria e lëvizjes dhe me këtë marrëveshje, Prishtina zyrtare ka diskriminuar në mënyrë të drejtpërdrejtë qytetarët e Kosovës Lindore”, ka thënë Kamberi. Sipas tij, është e logjikshme që të ketë reaksione të qytetarëve të Luginës përmes protestave të ndryshme, në rast se nuk hiqen brenda pak ditësh tarifat e larta doganore.

Mirëpo, zëvendëskryeministrja Edita Tahiri, e cila po udhëheq dialogun Prishtinë-Beograd, është zotuar se brenda pak ditësh do të hiqen krejtësisht tarifat për policat kufitare të sigurimit. Ajo ka pranuar se këto tarifa janë mjaft të larta krahasuar standardin jetësor të qytetarëve të Luginës, pavarësisht se janë të përkohshme, porse është arsyetuar se kjo masë është vendosur me insistimin e palës serbe.

“Pakënaqësitë e banorëve të asaj ane kanë bazë dhe janë të kuptueshme, pasi që tarifat janë mjaft të larta, të cilat po pamundësojnë lirinë e lëvizjes. Por, i siguroj qytetarët e Luginës se shumë shpejt kompanitë e sigurime do të bëjnë një marrëveshje komerciale për heqjen e tarifave”, ka thënë Tahiri për gazetën.

Zëvendëskryeministrja ka pranuar se qytetarët serbë ende po vazhdojnë t’i përdorin tabelat e vjetra ilegale, porse u zotua se kjo praktikë do të përfundojë brenda pak ditësh.

Bisedimet në mes të janarit

Dialogu teknik mes Prishtinës dhe Beogradit pritet të vazhdojë gjatë janarit, ku palët pritet të takohen në Bruksel kah mesi i këtij muaji, për të diskutuar për çështjen e energjetikës, telekomunikacionit dhe përfaqësimit të Kosovës në nisma rajonale.

Mirëpo, udhëheqësi i ekipit të Beogradit, Borisllav Stefanoviq, ka thënë se pala serbe ka kërkuar që në çështjen e përfaqësimit rajonal të Kosovës, të merret parasysh Rezoluta 1244 e KS-it, derisa kryenegociatorja kosovare Edita Tahiri, thotë se nuk është hera e parë që Serbia vë kushte në kuadër të dialogut.

Sipas saj, Serbia tashmë ka marrë obligime në raport me Bashkimin Evropian dhe ato duhet zbatuar, nëse vërtet dëshiron që ta marrë statusin e vendit kandidat për anëtarësim në BE. Lumturie Blakaj/ZERI/