Ai thotë se kjo është zgjidhja më e mirë tash për tash dhe si shpërblim, Kosova do të njihej nga Serbia dhe nga pesë vendet e Bashkimit Evropian.

Pos ndarjes, ai përmend shkëmbimin e territoreve, Lugina e Preshevës t’i bashkohet Kosovës, e veriu i Kosovës Serbisë, për një zgjidhje të qëndrueshme në Ballkan.

“Jam i bindur që në fund të fundit nëse asgjë nuk do të jetë e mundur, atëherë ndarja është zgjidhje”, ka deklaruar Busek, raporton Koha.

Ai ka folur edhe për bisedimet Kosovë-Serbi të ndërmjetësuara nga Bashkimi Evropian që sipas tij vetëm pas zgjedhjeve në Serbi do të krijohen kushte të favorshme për zhvillimin e bisedimeve.

Veç kësaj kam theksuar nevojën për një plan afatgjatë dhe inkluziv për veriun e Kosovës, ndërsa komisioni është i gatshëm që të ofrojë ndihmë teknike dhe financiare për këtë përpjeke, ka thënë Fuele, njoftohet në komunikatën nga Zyra e tij në Bruksel, transmeton gazeta serbe Blic.

Komesari evropian, po ashtu, ka theksuar se është me rëndësi qenësore që marrëveshjet e deritashme të zbatohen. Ai, sipas medieve serbe i ka thënë Jahjagës, se perspektiva evropiane e Kosovës varet, para se gjithash nga autoritetet e Prishtinës.

Fuele është takuar me Jahjagen, sipas medieve serbe, në margjina të konferencës për sigurinë në Munih.
***************
Presidentja e Republikës së Kosovës, zonja Atifete Jahjaga, po merr pjesë në ditën e dytë të Konferencën së 48-të të Sigurisë e cila po mbahet në Mynih të Gjermanisë. Në këtë Konferencë merr pjesë dhe Kryeministri i Shqipërisë Sali Berisha.

Në punimet e paradites me kumtesat e tyre u paraqitën Sekretarja Amerikane e Shtetit Hilary Clinton, Sekretari i Mbrojtjes së Shteteve të Bashkuara Leon Panetta si dhe sekretari i NATO-së Anders Fogh Rassmusen.

Presidentja Jahjaga, në kuadër të Konferencës do të takoj përfaqësues të vendeve të ndryshme pjesëmarrëse dhe gjithashtu edhe të Gjermanisë.

“Kjo është Konferenca më e rëndësishme vjetore që bëhet në kuadrin e sigurisë euroatlantike. Në këtë Konference, siç njoftoi organizatori i saj, ish-sekretari i shtetit të Republikës Federale Gjermane diplomati i njohur Ischinger, marrin pjesë delegacione të 70 qeverive nga Europa, SHBA, Kanada dhe vende të tjera të planetit. Në tërësi Konferenca trajton çështje të sigurisë euroatlantike dhe globale. Ajo që ishte me interes te veçantë për mua ishte fakti, se kësaj here, tema e diskutimit ishte përqendruar tek energjia dhe siguria.
Shqipëria është një vend me potenciale të mëdha, por është një vend gjithashtu, të cilën duhet se do të kalojnë dhe gazsjellës të mëdhenj, që do të sjellin gazin Kaspik drejt Evropës. Ndaj dhe e konsiderova shumë të rëndësishme këtë seancë. Bisedova me faktorë kryesore siç është presidenti Azerbajxhanit, ku unë së shpejti do të kem një vizitë zyrtare në këtë vend mik, por dhe me faktorë dhe me përfaqësues të tjerë të rëndësishëm në fushën e energjisë.

Topalli dhe Ahmeti kanë folur me pjesëmarrësit në oborrin e shkollës dhe u kanë premtuar se do të kthehen sërish te i njëjti vend për të mbajtur tubimin

Në komunikimin institucional, kuvend-polici të cilin “Top Channel” thotë se e ka siguruar, Komisioni për Siguri i Kuvendit të Kosovës kritikon policinë për fshehjen nga raporti të arrestimit të deputetëve të Kuvendit dhe faktin se gjatë aksionit është ndërhyrë në pronat private të banorëve të Podujevës.

Raporti i Policisë së Kosovës duhet të plotësohet me të dhëna të sakta statistikore të cilat duhet të përfshijnë:

1. Numrin dhe natyrën e lëndimeve të pjesëtarëve të PK-së dhe protestuesve.

2. Arrestimin e deputetëve të Parlamentit të Kosovës.

3. Arsyetimin për ndërhyrje në pronat private.

4. Lëndimi i gazetarëve.

5. Numrin e rasteve nën hetim lidhur me ngjarjet e 14 janarit.

Sa i përket ndërhyrjes fillestare ndaj protestuesve, policia në raportin e saj insiston se ishin protestuesit ata të cilët provokuan të parët policët me gurë. Ndërkohë që kamerat televizive kanë dëshmuar për të kundërtën.

“Përpos bllokimit të tërësishëm të rrugës protestuesit kanë filluar t’i provokojnë zyrtarët policorë e pastaj të bëhen të dhunshëm duke hedhur mjete të forta mbi pjesëtarët e PK-së dhe si pasojë e sjelljeve të tilla dy zyrtarët e parë nga radhët e policisë së rendit pësuan lëndime. Edhe përkundër përpjekjeve dhe thirrjeve të PK-së për t’ju shmangur veprimeve të dhunshme, situata u tensionua dhe u plotësuan kushtet ligjore për domosdoshmërinë e përdorimit të forcës legjitime me intervenimin me njësitë e rendit”.

Komisioni për Siguri përveç se i kërkon policisë një raport më të detajuar për lëndimet e policëve, protestuesve dhe gazetarëve, i rekomandon policisë të mbajë trajnime shtesë për menaxhimin e turmave.

Në raportin që policia i ka dërguar Kuvendit është evidentuar se njësitë e policisë ditën e 14 janarit kanë pasur probleme në komunikim përmes radio lidhjeve.

Ndërsa vihet në pah edhe fakti që policët nuk gëzojnë sigurim shëndetësor pasi siç thuhet në raportin policor, policët e lënduar duhet të shërohen me të ardhurat e tyre.

Ndërkohë që kostoja financiare për menaxhimin e situatës ditën e 14 janarit i ka kushtuar buxhetit të policisë rreth 28 mijë euro.

Në këtë pikë Komisioni për Siguri i Kuvendit të Kosovës i rekomandon policisë që të përmirësojë nivelin e komunikimit përmes pajisjeve teknike, ndërsa nga organet përgjegjëse: Inspektorati Policor i Kosovës dhe Drejtoria për Standarde Profesionale kërkon që të publikojë rezultatet e hetimeve. /tch/

Sipas një dokumenti që ka siguruar “Zëri”, ku janë të radhitur kandidatët në bazë të pikëve që kanë marrë gjatë intervistimeve në vitin 2009 për pozita të ndryshme në shërbimin diplomatik e konsullor, shumë prej tyre që kanë marrë pikë minimale janë përzgjedhur si pjesë e stafit diplomatik e konsullor nëpër ambasada të ndryshme, derisa kandidatë me pikë më të larta kanë rënë nga “kombinimi”.

Madje, Komisionit Intervistues të MPJ-së i kanë mjaftuar vetëm 4.3 pikë që ka marrë Agron Smakiqi, që atë ta bëjë sekretar të parë në Ambasadën e Kosovës në Shkup. Me vetëm pak pikë më shumë sesa Smakiqi, me 7.3 pikë, Burim Qorri është emëruar si sekretar i parë në Ambasadën e Kosovës në Tiranë.

Përzgjidhen të dobëtit, injorohen të suksesshmit

Në saje të punës “profesionale” dhe “korrekte” që ka bërë komisioni i atëhershëm që  përbëhej prej Qerim Qerimit- këshilltar i parë i ish-ministrit Hyseni, Fitim Gllarevës- ish- sekretar permanent në MPJ, Lulzim Mjekut- drejtor i Drejtorisë së përgjithshme në MPJ, Besfort Rrecajt- këshilltar i ish-zëvendësministres së Jashtme, Vlora Çitaku, Suzana Krasniqit- nga Departamenti Ligjor i MPJ-së dhe Melhin Mahmutit- poashtu nga MPJ, sot Republika e Kosovës ka dhjetëra zëvendëskonsuj që gjatë intervistimit nuk janë treguar edhe aq të suksesshëm…Jeton Llapashtica/zeri/

“Para dy jave Daut Haradinaj ka zhvilluar një takim privat me kryetarin e LDD-së Nexhat Daci, ku ky i fundit ka shprehur interesim që LDD-ja të bashkohet me AAK-në, në mënyrë që të jenë të gatshëm para zgjedhjeve parlamentare. Megjithatë, nuk është marrë asnjë vendim. Pritet që edhe në të ardhmen të ketë bisedime për këtë çështje”, ka thënë ky burim.
Mirëpo, as zyrtarët e AAK-së e as ata të LDD-së nuk e kanë konfirmuar një takim dhe një iniciativë të tillë.

Letra e botuar exkluzive ne kosovalbaner me 27.10.2011

“Dëshmi ose padi 29.12.2010. Këtë padi po e bëj me shkrim kundër prokurorit italian Mauricio dhe dy agjentëve të sigurimit për mbrojtjen e dëshmitarit, shefi Donalld nga Britania dhe Hansi nga Gjermania. Zotëri prokuror, hetues-Prishtinë, ti më bëre jo krim, por masakër psikike në tërë fëmijët dhe gruan time. Por, ti mua s’mund të më blesh kurrë për një milion euro të juaja dhe burgun që ma falni çka kam bërë, apo për disa dëshmi që t’i kam nënshkruar pa mi përkthyer”, ka shkruar në ditarin e vet dëshmitari “X”, transmeton “Epoka e Re”.

Dëshmitari “X” në ditar tregon se disa herë është marrë në pyetje nga prokurori Salustro dhe për këtë i ka shkruar datat nëpërmjet një tabele.

“Nënshkrova pa ditur se çka shkruhet në to, nuk mu përkthyen. Ka mundësi me qenë edhe data të tjera, por me këto i kam nënshkruar pa mi përkthyer fare. Kam dhënë dëshmi dëshmi në podrumin e I. Bajraktari në Taukbaqe në Prishtinë dhe i sëmurë prej plagëve”, shkruhet në dituar, duke treguar se pyetjet që i janë bërë kanë qenë jashtë normave ligjore.

“Këto pyetjen kanë qenë jashtë normave ligjore. EULEX-i është vetë mbi ligjin”.

Po ashtu, dëshmitari “X” shkruan në ditarin e vet për presionin që ka pasur kur e kanë strehuar në Maqedoni.

“Më quat në Maqedoni për tri javë, u bënë tre muaj. Ma ndërruat emrin dhe mbiemrin, pasaportën Azem Bytyqi, e na latë pa asnjë dokument, që nëse vritna mos me u dit nga jam, por s’mund e bëtë këtë”, ka shkruar “X”.

“Unë po ju them se të gjitha deklaratat e mia që gjenden para teje janë të pavlerë. Fëmija i dëshmojnë të vetat se çka kanë vujt. Këtë përgjegjësinë time, që më shtyre të ndahem nga familja dhe jeta ime me një presion të papërballueshëm, janë këta Mauricio prokurori, Donalldi, Hansi, psikologu Orhani”.

Dëshmitari “X” ka shkruar se ditarin e vet edhe për ditët që i ka kaluar në Gjermani te vëllezërit e vet. Ndërsa, e ka akuzuar misionin e EULEX-it se ka shkelur marrëveshjet me të kur ka qenë pyetja për t’ia siguruar banimin në Gjermani.

“Nëse i dal ndonjë automjeti përpara ju lus me i kërku falje dhe të jetë i lirë edhe nga ana ligjore. Përgjegjësinë e marrtë EULEX-i në krye me prokurorin Mauricio dhe bosi i sigurimit Donalldi”, ka shkruar në ditarin e vet dëshmitari “X”.Video te lidhura me deshmitarin “X”

Me shumë rreth letrave te deshmitarit “x”

Foto: Getty Images

Presidenti i Serbisë duket se nuk e harron zanatin e vjetër që kur bën propozime, gjithmonë kërkon vetëm të fitojë e asnjëherë të ofrojë diçka si rikthim. Dokumenti, që ka kohë që po përflitet në opinion si dokumenti i 4 pikave të presidentit serb, kërkon zgjidhje që u konvenojnë serbëve, ndërsa nuk ofron asgjë për koncesionet, që sipas dokumentit, duhet të bëjnë shqiptarët.

E vetmja gjë që tingëllon si ofertë e udhëheqësit serb është që në këmbim të këtyre pikave, “Serbia nuk do ta pengojë perspektivën evropiane të askujt” duke mos e përmendur fare nëse fjalën e ka për Kosovën apo cilin vend tjetër.

Në fakt tre nga katër pikat e propozuara nga Boris Tadiq kanë ngjashmëri të madhe me ato që ofrohen për serbët në Pakon e Ahtisaarit. Sidoqoftë, pika e tretë flet për veriun e Kosovës përmes të cilës kërkohet krijimi i entiteteve të veçanta për komunat e veriut, e të cilat së bashku do të quheshin edhe zyrtarisht si “North of Kosovo” apo “Veriu i Kosovës”…

Por sekretari i përgjithshëm i NATO-s ka rikujtuar se situata në veri të Kosovës duhet të zgjidhet dhe ajo situatë nuk mund të tejkalohet vetëm me mjete ushtarake. „Duhet një zgjidhje politike e cila duhet të negociohet për të siguruar një zgjidhje afatgjatë, nga e cila do të përfitonin të gjitha palët“, ka thënë sekretari i përgjithshëm i NATO-s.

Aktualisht, sipas të dhënave të fundit të NATO-s, misioni i KFOR-it ka gjithsej 5.790 pjesëtarë. Shqipëria në KFOR ka 4 ushtarë. Edhe gjashtë vende të tjera të NATO-s kanë më pak se nga 10 ushtarë./koha/

Selimi ka mohuar kategorikisht pretendimet e Latif Gashit, i cili ka deklaruar se Selimi kishte pasur një polici sekrete, e cila ishte funksiononte jashtë kornizave të ish-Shërbimit Informativ të Kosovës (SHIK). Në një deklaratë me shkrim, ish-drejtori i Shërbimit Informativ të Kosovës, Latif Gashi, ka thënë se personi i shumëpërfolur Naim Miftari nuk ishte anëtari SHIK-ut, por ka qenë pjesëtar i ‘policisë sekrete’ të Rexhep Selimit. Ky i fundit ka qenë ministër i Rendit në Qeverinë e Përkohshme të Kosovës nga viti 1999 deri në vitin 2001.

Mirëpo kjo është mohuar nga deputeti i Vetëvendosjes, Rexhep Selimi. “Jo more, as që bëhet fjalë për diçka të tillë”, – ka thënë Selimi për “Tribuna Shqiptare”. Ai nuk ka dashur të japë më shumë detaje për këtë çështje me arsyetimin se deklaratat e zyrtarëve të PDK-së janë vetëm spekulime.

“Sot kemi arritur në disa përfundime që kanë të bëjnë me përmbajtjen e Draft-kodit Penal të Republikës së Kosovës dhe kemi parë që neni 37 dhe 38 i këtij draft-kodi ka ngritur debate në sheqerin tone, andaj unë si Ministër i Drejtësisë reflektoj përball debateve të hapura, reflektoj përball opinionit publik, në veçanti reflektoj për mendimet që jepen nga mediat dhe njerëzit e mediave, kështu kemi arritur në përfundim që në bazë të kompetencave të mija ligjore dhe kushtetuese, nenin 37 dhe 38 ta heqim nga Draft-kodi Penal, ku do të garantohet një mundësi më e madhe për pune me të lirë dhe perceptim pozitiv për mediat dhe gazetarët, sepse tashme materia e kontestuar në Draft-kodin Penal rregullohet me Ligjin për përgjegjësin penale të personave juridik”, tha pas takimit Zëvendëskryeministri Kuçi.

Ndërsa, Kryetari i Bordit të AGPK-së, Arben Ahmeti falënderoi Zëvendëskryeministrin Kuçi për bashkëpunim dhe gatishmërinë e shprehur për konsultime, që të hartohet një bazë legale e cila do të lehtëson punën e gazetarëve.

“Dy nenet e Draft-kodit penal të tilla siç janë, ka shumë vende në rajon dhe më gjerë që i kanë, por ne kemi gjetur raste siç janë Shqipëria dhe Kroacia të cilat i kanë hequr pikërisht për shkak të keqinterpretimeve që mund të ndodhin të atyre dy neneve. Kemi vlerësuar dhe kemi kërkuar nga Ministria e Drejtësisë që me pas mirëkuptim për arsye që ato dy nene japin hapësirë për tu keqpërdorur, nuk janë domosdo shumë të këqija, por japin hapësirë për tu keqpërdorur në raste të caktuar”, tha Ahmeti.

Po ashtu, Zëvendëskryeministrit Kuçi tha se me përfaqësuesit e AGPK-së janë pajtuar që në rastet kur ka të bëjë me sulme ndajë gazetarëve gjatë punës së tyre, Ministria e Drejtësisë do të propozojë që dënimet të jenë 20 deri 30 përqind më të larta, se sa në raste tjera, si dhe në Kodin Penal nuk do të parashihet shpifja apo fyerja, ku do të jepet një mundësi më e mirë që gazetarët të shprehin mendimin e tyre dhe të kenë imunitet në veprimet e tilla, megjithatë tha se kjo nuk nënkupton që mund të jetë mundësi për abuzim me ligjin.