Vete kompania ka njoftuar se ka ndaluar të gjitha operimet dhe ka ulur të gjithë aeroplanët për të “minimizuar dëmin” meqë situata financiare e saj po bëhet e paqëndrueshme.

Malev ka borxhe diku rreth 270 milionë dollarë dhe nuk ka arritur të gjejë investitorë të rinj.

Kryeministri hungarez Viktor Orban tha se dy aeroplanë të Malevit gjenden ende jashtë vendit, një në Tel Aviv dhe tjetri në Irlandë.

Në janar, Bashkimi Evropian e urdhëroi Malevin që të shlyejë afër 400 milionë dollarë të subvencioneve ilegale shtetërore, që kishte marrë në mes të vitit 2007 dhe 2010, meqë BE kishte gjetur se ishin shkelur rregullat e konkurrencës së BE-së. (rel)

Si duket lideri opozitar Abbott i nervozoi duke thënë se ishte koha e fundit që Tenda 40 vjeçare të largohej nga qyteti. Në manifestim po shënohen Dita e Pavarësisë së Australisë. Protestuesit nisën të gjuajnë mbi xhama të restoranit duke bërtitur “turp” dhe “racist”. Kaosi pasoi me përpjkjen për të larguar kryeministren dhe ajo mori në thua rrugës për në makinë. Një këpucë po i mungon.

Ministria e Drejtësisë e Norvegjisë, e cituar nga agjencia e lajmeve Reuters, tha përmes një deklarate se Jane Kristiansen kishte dhënë dorëheqje lidhur me atë që e quajtën “shkelje të mundshme të konfidencialitetit, me dhënien e informacioneve të klasifikuara”.

Në seancën e djeshme parlamentare, Kristiansen tha se Norvegjia ka agjentë në Pakistan, por nuk tregoi arsyet përse ata janë atje.

Sipas raporteve të CNN-it, njësia ishte pozicionuar në Afganistan në fillim të vitit 2011 dhe ishte kthyer në vend në shtator ose tetor.

Sekretari amerikan i mbrojtjes, Leon Panetta tha se ai ka urdhëruar nisjen e një hetimi dhe ka premtuar se ushtarët që ishin pjesë e incidentit do të mbajnë përgjegjësi të plotë.

Sekretarja amerikane e Shtetit, Hillary Clinton gjithashtu ka shprehur keqardhje të madhe për këtë video.

Nga ana tjetër, zyra e presidentin afgan, Hamid Karzai tha se qeveria afgane ishte shumë e shqetësuar nga përmbajtja e videos.

Pamjet e lëshuara në internet kanë zemëruar shumë afganë, pavarësisht pikëpamjeve të tyre për talibanët. Amanullah, një banor i Kandaharit, tha se kjo gjë dëmton perspektivat për bisedime paqësore.

“Ne e dënojmë këtë akt të ushtarëve amerikanë, të cilët kanë urinuar në trupat e vdekur të ushtarëve talibanë. Kjo do t’i dëmtojë bisedimet paqësore. Duket se Shtetet e Bashkuara nuk duan që të ketë bisedime paqësore në Afganistan dhe ky veprim e rritë mjerimin në vend”, tha Amanullah.

Ndërsa Feda Mohamad, një banor i Kabulit, tha se ndjenjat anti-amerikane në Afganistan janë përkeqësuar.

“Ushtarët amerikanë, të cilët urinuan në trupat e pajetë të myslimanëve kanë kryer një krim. Përderisa kanë kryer një krim të tillë, ne nuk i duam më ata në tokën tonë. Ne nuk i duam ushtarët e huaj që të jenë në tokën tonë. Ne duam që ata të largohen”, ka thënë ai.

Ndërsa një banor tjetër i Kandaharit, Tavab Kan tha se autorët duhet të identifikohen dhe të vihen para gjyqit.

“Të gjithë myslimanët e dënojnë këtë akt të ushtarëve të huaj, të cilët kanë urinuar në trupat e vdekur të ushtarëve talibanë. Është kundër islamit dhe kundër rolit të komunitetit ndërkombëtar. Ne duam që komisioni për të drejta të njeriut të dënojë këtë akt brutal dhe t’i arrestojë kriminelët e këtij incidenti”, u shpreh Kan. /rel

Makthi i Sarah McKinleyt ka filluar gjatë natës së Vitit të Ri. Rreth orës dy të mëngjesit, dy persona përpiqen ta hapin me forcë hyrjen e shtëpisë, në të cilën gjendej adoleshentja 18-vjeçe dhe foshnja e saj. Pasi dëgjon zhurmën, ajo i afrohet dritares dhe e njeh njërin prej dy meshkujve.

Justin Martin e kishte vizituar dy ditë më herët, ditën e varrimit të bashkëshortit. 24-vjeçi i kishte thenë Sarah Mckinleyt se vetëm dëshironte ta përshëndeste dhe t’i shprehte ngushëllime. Por, duke mos i besuar, ajo nuk pranon ta lërë të hyjë. Për “vizitën” e tij të dytë, Justin Martin jo vetëm që kishte ardhur me një person tjetër, por edhe ishte i armatosur.

Me një thikë me teh të gjatë 30cm. Kur e sheh thikën, Sarah Mckinley kap pushkën dhe struket në dhomë me të birin 3 muajsh. Në mënyrë që foshnja të mos bënte zhurmë dhe që hajnat të mos dinin për praninë e tyre, ajo ia fut në gojë fëmijës një biberon. Adoleshentja, e cila merr edhe një pistoletë, prapa derës vendos një kanape dhe e sjell numrin e policisë.

Një gruaje që i përgjigjet në telefon, Sarah McKinley i pëshpërit: “I kam dy armë në dorë. A mund ta vras nëse e kalon pragun?”. “Ju duhet të bëni gjithë çka mundeni për t’u mbrojtur”, i përgjigjet bashkëbiseduesja.

“Nuk mund t’ju them se ju mund ta bëni këtë, por ju duhet të bëni atë që duhet për ta mbrojtur veten dhe foshnjën tuaj”. Disa çaste më vonë, Justin Martin shkallmon derën dhe dëgjohet një e shtënë. Sipas policisë, rasti është shumë i qartë: Sarah McKinley ka vepruar saktësisht në bazë të kornizës ligjore të mbrojtjes dhe nuk do të ndiqet penalisht.

“Sa i përket Justin Martinit, i varur në qetësues dhimbjesh, e i cili shpresonte të merrte ato të burrit të Sarah McKinleyt i cili kishte vdekur nga kanceri ditën e Krishtlindjes, ai do të duhej të mendonte mirë para se të hynte në një shtëpi”, ka vlerësuar prokuroria.

Ky rast i veçantë ka kthyer vëmendjen te një dispozitë e së drejtës amerikane, e cila lejon qytetarin ta mbrojë shtëpinë kundër ndonjë personi që dëshiron të futet në shtëpi dhe shihet qartë se paraqet rrezik, dhe pronari nuk do të ndiqet penalisht nëse e vret sulmuesin.

Që nga viti 2005, një numër në rritje i shteteve e kanë përfshirë këtë masë në legjislacionin e tyre. Disa madje kanë zgjeruar fushën e zbatimit edhe në vetura, ndërmarrje apo edhe në terrasa shtëpish. Aktualisht, tridhjetë e një shtete, në mesin e tyre edhe Oklahoma, po e zbatojnë këtë “Castle Doctrine” (Doktrina e kështjellës).

Si arsyetim, shumë prej tyre theksojnë nevojën që nga atentatet e 11 shtatorit 2001 për t’u ofruar njerëzve mundësinë që të mbrohen. Të zgjedhurit theksojnë se “Castle Doctrine” u mundëson edhe viktimave të dhunës bashkëshortore të mbrohen. (Le Figaro)

Dhjetori i zi për Sarah McKinley

Sarah McKinley shpjegon se e ka sulmuar sulmuesin vetëm sepse frikësohej për jetën e fëmijës. Përveç vdekjes së burrit, dhjetori për të ka qenë një muaj tepër i rendë. Rritëse e qenve “pastorë gjermanë”, katër bushtrat e saj ishin helmuar.

Kjo grua e re ndihej e përcjellë që prej disa javësh. Fati i saj ka emocionuar amerikanët dhe policia e Blanchardit ka hapur një xhirollogari bankare, ku do të mblidhen donacione për familjen./ZERI/

Presidenti Barak Obama dhe zyrtarë amerikanë të mbrojtjes kanë bërë publike rezultatet e rishikimit të strategjisë së mbrojtes për të ruajtur superioritetin e ushtrisë amerikane por me më pak trupa dhe më efiçiente, e aftë për t’iu përgjegjur sfidave globale

Rishikimi strategjik u bë me urdhër të Presidentit Obama vitin e kaluar për të orientuar vendim-marrjen e Pentagonit dhe për të vlerësuar prioritetet në atmosferën e shtrëngimit të buxhetit dhe debatit të ashpër partiak lidhur deficitin dhe borxhin.
Duke njohur rëndësinë e këtij hapi, Presidenti Obama u paraqit sëbashku me sekretarin e Mbrojtjes, Leon Paneta, dhe Shefin e Shtatmadhorisë amerikane, Martin Dempsey, me rastin e shpalljes së rezultateve në Pentagon.
Zoti Obama i vuri theksin përfundimit të operacioneve luftarake amerikane në Irak, zvogëlimit të kontigjentit të trupave në Afganistan, vrasjes së Osama bin-Ladenit dhe operacionit të suksesshëm të NATO-s në Libi. Ai tha se koto zhvillime i sollën Shtetet e Bashkuara në këtë moment tranzicioni.

“Ndërkohë që ne shikojmë përtej luftrave në Irak dhe Afganistan, dhe përfundimit të afatgjatë të ndërtimit të vnedeve nëpërmjet forcës ushtarake, ne do të jemi në gjendje të garantojmë sigurinë tonë me më pak armë konvencinale në terren. Ne do të vazhdojmë të eliminojmë sistemet e preiudhës së luftës së ftohtë në mënyrë që të investojmë për kapacitetet e të ardhmes, përfshirë zbulimin, survejimin dhe interceptimin; anti-terrorizmin, sfidimin e armëve të shakatërrimit në masë dhe aftësinë për të vepruat në një mjedise, ku kundërshtarët do të përpiqen për të na penguar të hymë”.
Zoti Obama tha se forcat ushtarake do të jenë “aktive, elastike dhe të gatshme për t’iu përgjegjur një sërë skenarësh dhe kërcënimesh”. Prania e Shteteve të Bashkuara në rajonin e Azi-Paqësorit do të forcohet dhe zoti Obama përsëriti atë që tha në muajin nëntor në Australi, se shkurtimet “nuk do të bëhen në dëm të rajoneve me rëndësi kritike”.
Sekretari i Mbrojtjes, Leon Paneta, tha ndërkaq, se strategjia e re ka për qëllim shkurtimet e shpenzimeve të mbrojtjes në formë të balancuar me 487 miliardë dollarë gjatë 10 vjetëve, por kjo nuk do të thotë se është zgjedhje mes sigurisë kombëtare dhe përgjegjësisë fiskale.Zoti Paneta tha se një “forcë e përbashkët më e vogël, e gatshme dhe e pajirur mirë” do të përqendrohet në rajonin e Paqësorit dhe në Lindjen e Mesme.
“Rëndësia e këtij rajoni është në rritje për të ardhme e ekonomisë dhe sigurisë kombëtare të Shteteve të Bashkuara. Kjo do të thotë, për shembul, se ne duhet të ruajmë avantazhin teknologjik ushtarak dhe lirinë e veprimit. Në të njejtën kohë, Shtetet e Bashkuara do të investojnë për praninë dhe kapacitetet tona ushtarake më gjerë në Lindjen e Mesme”.
Sekretari Paneta tha se ushtria ameriane duhet të jetë e aftë të luftojë në disa konflikte në të njejtën kohë dhe “të konfrontojë dhe të mundë më shumë se një armik njëherësh”.
Në fjalën e tij, Presidenti Obama tha se hollësitë e kësaj strategjie do të shpalosen në javët e ardhëshme. “Do t’i inkurajoja të gjithë të kujtojnë atë që tha dikur Presidenit Ajzenhauer. ‘Çdo propozim duhet peshur mirë në kuadrin e konsideratave më të gjera, për nevojën e ruajtjes së balancës në programet dhe mes programeve kombëtare’. Pas një dekade lufte dhe ndërkohë që ne rindërtojmë burimin e forcës tonë në vend dhe jashtë, është koha për ta rivendosur këtë balancë”. Presidenti Obama tha se buxheti i mbrotjes së Shteteve të Bashuara do të rritjet më ngadalë gjatë 10 vjetëve të ardhëshme, por ai do të përmbushë përgjegjësitë globale të Amerikës./kosovalbaner.com/

Brejvik pranoi se është autor i dy sulmeve më 22 korrik 2011, ku vrau 77 persona. Analiza psikiatrike tha se ai ishte i çmendur.

Dy psikiatër të caktuar nga gjykata arritën në këtë përfundim pasi e intervistuan atë në 13 raste.

Raporti i tyre, tha për 32 vjeçarin, Brejvik se ka jetuar “në universin e vet iluzionar, ku të gjitha mendimet dhe aktet e tij janë udhëzuar nga iluzionet e tij”.

Ekipi prej katër eskpertësh që vlerësuan Brejvikun në burg, nuk u pajtua me disa nga përfundimet origjinale të paraqitura në gjyq.

Sipas raportit të paraqitur nga Prokurori Publik, Svein Holden, ata nuk besojnë se Brejvik është psikopat apo skizofren dhe nuk mendojnë se ai ka nevojë për ilaçe.

Në këtë mënyrë, përveç kësaj ata nuk e konsiderojnë atë, të qënit në rrezik të madh për kryerjen e një vetëvrasjeje.

Brejvik doli në gjyq me akuzat për terrorizëm. Siç qëndrojnë gjërat, një vendim që do ta shpallte fajtor, do ta vendoste atë të kryente dënimin nën kujdes psikiatrik, në vend të një burgu.

Gjykata pritet të vendosë brenda javëve të ardhshme nëse do të marrë parasysh apo jo një vlerësim të ri psikiatrik. /alsat-m/

Qindra mijëra vetë ishin mbledhur përgjatë brigjeve të Lumit Tamiz për të ndjekur fishekzjarret.

Në Berlin, banorë e turistë ishin mbledhur për një shfaqje madhështore shumëngjyrëshe në Portën e Brandenburgut.

Kryetari i Bashkisë Bloomberg dhe Lady Gaga bejnë një puthje të shpejtë të Vitit të Ri.
Nju Jorku, i cili organizon shfaqjen më të famshme të ndërrimit të viteve në Shtetet e Bashkuara, kishte ftuar emra të mëdhenj në ceremoninë festive, ndër të cilët Lady Gaga dhe Placido Domingo.

Sipas njoftimeve, 1 milion vetë ishin mbledhur në sheshin Times Square për të parë globin e kristaltë që shënon sekondat e fundit të vitit të vjetër deri në momentin e ndërrimit të viteve.

* * * * * *

Viti 2012 trokiti për herë të parë në ishujt Samoa në Paqësorin Jugor, më pas në Zelandën e Re.
Qielli u ndriçua nga mijëra fishekzjarre. Në tërë botën po bëhen përgatitjet e fundit për pritjen e Vitit të Ri 2012. Në qytetin më të madh australian, në Sydney është çdo gjë gati për një natë të çmendur. Australianët dhe qyteti port i tyre Sydney është tradicionalisht qyteti i parë i madh botëror që e kremton hyrjen në Vitin e Ri dhe këtë e bën me fishekzjarre vërtetë madhështore.

Qyteti më i njohur i Australisë, Sydney e kremoti tradicionalisht Vitin e Ri 2012 me fishekzjarrë spektakolarë në urën e qytetit afër Operës, ku ishin tubuar qindra mijëra qytetarë. Spektakli ka kushtuar rreth 6 milionë dollarë, kurse në koncerte për ndërrimin e moteve janë paraqitur Boy George, Snoop Dog, “Pet Shop Boys” e të tjerë.

Fishekzjarrët që zgjatën për 12 minuta i shikuan mbi një milion e gjysmë qytetarë.

Fishekzjarrët në urën e Sydneyt janë një nga imazhet e para që qarkullojnë nëpër botë çdo fundvit, m 31 dhjetor.

Në Taivan, mbi 100 mijë çiklistë festuan ditën e fundit të vitit duke shënuar njëkohësisht edhe 100 vjetorin e vendit, duke u përpjekur të thyejnë rekordin për paradën më të madhe me biçikleta.

Një nga pritjet më madhështore të Vitit të Ri në botë, tradicionalisht është ajo në Neë York, por që do të kremtohet 6 orë më vonë sesa në Kosovë. Në sheshin “Times Square” pritet të mblidhen rreth një milionë njerëz. Fishekzjarre madhështore priten edhe në qytetin më të madh brazilian, Rio de Janeiro.

“A do të ishte e çuditshme që Amerika të ketë zhvilluar teknologji me të cilën mund të shkaktohet kanceri dhe ne asgjë të mos dimë për këtë”, ka pyetur Chavez gjatë një fjalimi në një bazë ushtarake të vendit, transmeton BBC.

Ai i është nënshkruar një trajtimi mjekësor kundër kancerit, ndërsa këtë pyetje e ka shtuar pas lajmit se kryetarja e Argjentinës, Christina Kirchner rezultoi me kancer në gjendrën tiroide.

“Ne do të jetojmë dhe do ta mundim kancerin”, i shkruan ai ne nje mesazh Christina Kirchner.

Me kancer është diagnostifikuar edhe kryetari i Paraguait Fernando Lugoa, ai i Brazilit Dilma Rusev si dhe paraardhësi i saj Lula da Silva, njofton sot BBC. (Koha Ditore)

Udhëheqësi i ndjerë, i cili vdiq më 17 dhjetor, në moshën 69-vjeçare, nga një sulm në zemër, udhëhoqi vendin që nga vdekja e babait të tij, Kim Il Sung, në vitin 1994.

Pamjet e transmetuara sot nga televizioni shtetëror tregonin paradën e funeralit, të udhëhequr nga një veturë që bartte një fotografi gjigante të Kimit, duke kaluar para rreshtave të ushtarëve që mbanin kokën ulur.

Një ushtar i Koresë së Veriut, duke folur nga sheshi kryesor ku po mbahej ceremonia, e që bart emrin e Kim Il Sungut, shpalosi emocionet e tij për televizionin shtetëror.

“Bora po bie pa mbarim, sikurse lotët tanë. Si mund të mos vajtojë edhe qielli, kur ne kemi humbur gjeneralin tonë, i cili ishte njeri i madh nga qielli? Përderisa vdekja na ndau neve me gjeneralin, njerëzit, malet dhe qielli po derdhin lot gjaku, i dashur Komandant Suprem”, u shpreh ai.

Makina e varrimit, që bartte arkivolin e Kimit në pjesën e sipërme të saj, lëvizi përgjatë sheshit qendror, nën përcjelljen e Kim Xhong Unit, djalit të tretë dhe pasardhësit të mundshëm të liderit të ndjerë.

Të pranishëm ishin edhe Xhang Song Taek, xhaxhai më i ri i Kimit, një figurë e rëndësishme në vend, dhe Ri Jong Hoja,  shefi i shtabit të ushtrisë. Ndërkohë, civilët që vajtonin pa ndalur, kërcenin nga hidhërimi dhe bërtisnin “baba, baba”.
Në ceremoninë e varrimit nuk morën pjesë personalitete të huaja. Një shërbim përkujtimor kombëtar për Kimin pritet të mbahet në mesditën e ditës së nesërme.

Pas vdekjes së Kimit, bota do të shikojë me ankth se çfarë do të ndodhë vitin e ardhshëm në Korenë e Veriut. 2012-ta pritej të ishte viti i shënimit të transformimit të vetëshpallur të Koresë së Veriut në një komb “të fortë dhe të begattë”, por ky vend tani po ballafaqohet me një ndryshim të rrezikshëm, në një kohë kur sistemet diktatoriale nëpër botë po lëkunden.

Pritjet janë që pak ndryshime do të ketë në vend, i cili ka kaluar nëpër një fazë që shumë analistë e kanë quajtur “Marshin më të Mbrapshtë” në 20 vjetët e fundit.

Me një arsenal bërthamor dhe 1.2 milion forca të armatosura, Koreja Veriore është një fuqi e fortë ushtarake, por shumica e qytetarëve të saj janë të varfër.

Sipas të dhënave të Kombeve të Bashkuara, banorët e Koresë së Veriut mesatarisht vdesin 3 vjet e gjysmë më herët sesa në kohën e sundimit të Kim Il Sungut.

Shumë vëzhgues besojnë se politika e grushtit ushtarak të Kim Xhong Ilit do të vazhdojë edhe gjatë sundimit të djalit të tij, duke çuar në vështirësi të mëtutjeshme një vend që vuajti nga uria masive në vitet e 90-ta./rel

Qëndrimi i Iranit vjen pasi në mbarë botën pati zemërim për dënimin me vrajsje me gurë ndaj gruas. Për të zbutur situatën, Irani mendon një tjetër zgjidhje. Pas reagimit ndërkombëtar, Irani vendosi që të pezullojë planet për goditjen me gurë. Por tani ka shpallur se do e varë gruan.

Të dielën Malek Ajdar Sharifi, kreu i gjykatës në lindje të Iranit, ku gruaja është burgosur ka bërë të ditur se po studiojnë faktin nëse mund të ndryshojnë dënimin e vrasjes me gurë në atë me varje.

Sakineh Muhamedi Ashtiani është shpallur fajtore për vrasjen e të shoqit, ngjarje e ndodhur në vitin 2006.

Ashtiani kishte vuajtur nga duart e të shoqit, që e rrihte atë barbarisht. Avokati i saj tha se i shoqi ishte një person me varësi ndaj drogës. Ashtiani është dënuar edhe me 99 goditje me kamxhik, dënim që e ka kryer.

Në ndihmë të saj janë dhe fëmijët që kanë rrëfyer historinë e dhimbshme publikisht për mediat, duke i bërë të ditur Botës mbarë për ligjet e vjetra.