Në komunën Hani i Elezit fillimisht janë arrestuar dy (2) shtetas të Maqedonisë të cilët kishin sjellë në Kosovë një sasi të substancës narkotike të llojit Heroin, për ta shitur në Kosovë tek tre (3) persona tjerë të dyshuar të cilët vepronin në grup të organizuar me dy të dyshuarit nga Maqedonia.

Zyrtarët policor kanë arritur ti arrestojnë edhe tre (3) personat e dyshuar nga Kosova, ku gjatë kontrollit tek dy personat e dyshuar nga Maqedonia janë gjetur dhe konfiskuar dy qese te dyshuara me substance narkotike të llojit Heroin me peshe prej nëntëdhjete e nëntë (99) grame, ndërsa tek njëri nga të arrestuarit nga Kosova janë gjetur dhe konfiskuar (0.2) gram Heroin, gjithsej 99.02 gram Heroin.

Lidhur me rastin si prova materiale janë konfiskuar njëmijë e katërqind e njëzet euro (1.420 E), shtatë (7) telefona celular, dy (2) memori karta-çipa dhe një veture Opel Frontera me targa lokale.

Personat e arrestuar janë S. A. Viti i lindjes 1967, S. B. Viti i lindjes 1973, R. S. Viti i lindjes 1955,S. I . Viti i lindjes 1982  Shtetas Maqedon, R. A.  Viti i lindjes 1978, Gjate këtij operacioni policor kane asistuar njësitet policore nga Rajoni i Ferizajt, Gjilanit dhe Policia Kufitare e Hanit te Elezit.

Të dyshuarit me autorizim të Prokurorit janë dërguar në qendrën e mbajtjes për dyzet e tetë (48) orë.

Qemal Xhura me origjinë nga Gramshi, i vendosur në Tiranë, para pak vjetësh ka kaluar në depresion nervor, si pasojë e një gjendje të rënduar ekonomike në familje.

Xhura ka vendosur t’i japë fund jetës së tij, duke u hedhur nga një vinc në afërsi të “Ushtarit të Panjohur”. Kanë qenë pikërisht kalimtarët e shumtë që kanë kaluar në qendrën e kryeqytetit, të cilët kur e kanë pikasur pak para se ora të shënonte 18:00 kanë lajmëruar policinë.

Pasi ka rrethuar vendin e ngjarjes, forcat policore kanë bërë bllokimin e zonës në një perimetër të gjërë, duke hamendësuar zonën ku mund të binte Xhura, në rast se do të zbatonte skenarin e tij vdekjeprurës që kishte ndërmend.

Forcat e policisë së Drejtorisë së Tiranës, nuk kanë bërë asnjë përpjekje për të hyrë në bisedë me të duke pritur forcat RENEA të specializuara për ndërhyrje në raste të tilla.

Pasi kanë mberritur forcat RENEA, negociatori i tyre ka mundur ta bindë ish-policin, për të hequr dorë nga vetëvrasja. Xhura është kthyer mbrapsht nga vinci ku qendronte për një kohë të gjatë dhe ka hequr dorë nga vetëvrasja.

Ai është shoqëruar fillimisht për në spital, për të marrë një qetësues mjekësor të rastit për gjendjen e shokuar të cilën po kalonte.

Sipas shpjegimeve të tij, papunësia ka qenë shkaku për të cilën kishte vendosur t’i jepte fund jetës. /tch/

Megi Jokiçi me të fejuarin Granit Ribaj

Granit Ribaj: Po prisnim në makinë kur qëlluan.

I fejuari i Megit: Nga tronditja nuk munda të shoh kush qëlloi.

Atentati te “Komuna e Parisit”, dëshmia në Polici nga i fejuari i 24-vjeçares.

Personi i parë që është marrë në pyetje nga policia në lidhje me vrasjen aksidentale të 25-vjeçares Megi Jokiçi, ka qenë i fejuari i saj, Granit Ribaj.  Ai ndodhej në makinën e të fejuarës së tij në momentin kur ndodhi ngjarja e rëndë. I riu nuk arriti dot të shihte asgjë se kush po qëllonte apo çfarë po ndodhte jashtë makinës, në zonën te “Komuna e Parisit”. Në këtë kohë, ai ka qenë duke u kujdesur për të fejuarën që ishte gjakosur nga goditja me një plumb në nofull në një skenë krimi me të cilin nuk kishte asnjë lidhje. I fejuari i 24-vjeçares ka treguar për policinë se në vendin ku ndodhi atentati, që ishte destinuar për një tjetër person, vajza e re ndodhej fare rastësisht. I fejuari ka thënë se me Megin kishin shkuar të merrnin një kushëririn e tij bashkë me një shoqe, e më pas të katërt do të dilnin të pinin një kafe së bashku. Granit Ribaj ka treguar se makinën e kishte drejtuar Megi deri aty dhe ajo ndodhej në ndenjësen e shoferit në momentin kur u qëllua nga një plumb. Ai vetë ndodhej në ndenjësen e parë të makinës tip “Mercedes A Clas”, me targë TR 3134 R. Përveç shpërqendrimit dhe tensionimit në momentin kur është plagosur e fejuara e tij, faktin që nuk ka arritur të shohë asnjë person të dyshimtë apo me armë, Ribaj e shpjegon duke treguar se para se të fillonin krismat, ishin kthyer të dy me kurriz nga xhami i përparmë i makinës. “Kur dëgjuam të shtënat, u kthyem të dy përpara që të shihnim se çfarë po ndodhte. Por nuk arritëm të shihnim asgjë, pasi në një moment u ktheva të shoh Megin dhe pashë që po i dilte gjak”, ka deklaruar për oficerët e Policisë Gjyqësore 25-vjeçari Granit Ribaj. Burime nga Policia e Tiranës thanë se nga deklarimet e të fejuarit të viktimës Megi Jokiçi, por edhe nga dinamika e ngjarjes, rrethanat dhe shpejtësia e kryerjes së veprimeve, rezulton që i riu nga Vlora, banues në Tiranë, nuk ka parë asnjë person të dyshuar. Ai nuk mund të përshkruajë asgjë nga skena e ngjarjes në lidhje me autorët, pamjen e tyre, pasi nuk ka parë asgjë. Këtë ai e shpjegon me faktin se në momentin kur ka parë të fejuarën që ishte e gjakosur, është tronditur dhe ka nisur të kujdesej për të, pavarësisht se nuk po arrinte t’i ndalonte dot gjakderdhjen.
Pyetje: Ku ndodheshit në momentin kur u plagos e fejuara juaj?
Kishim vetëm pak minuta që kishim parkuar makinën para një kazinoje. Aty po prisnim një kushëririn tim, i cili do të vinte bashkë me një shoqe të tij. Ai e ka shtëpinë afër vendit ku kishim parkuar makinën. Pasi të vinin ata, do të iknim të pinim kafe, po nuk e kishim përcaktuar ende se ku, në çfarë vendi.
Pyetje: Gjatë kësaj kohe keni zbritur nga makina?
Jo, jo. Nuk kishim zbritur. Vetëm disa minuta kishim që arritëm aty, orën nuk e mbaj mend fiks se sa ishte. Po e prisnim brenda në makinë që të vinin ata të dy, kushëriri im bashkë me shoqen e tij.
Pyetje: Si ishit ulur në makinë?
Megi ishte në timon, ndërsa unë isha në sediljen e parë.
Pyetje: Patë ndonjë lëvizje të dyshimtë rreth makinës ku ishit para se të fillonin të shtënat?
Asgjë. Në momentin kur dëgjuam krismat, unë dhe Megi ishim kthyer me kurriz nga xhami i përparmë i makinës, drejt sediljeve të pasme. Po rregullonim diçka që të uleshin ata të dy kur të vinin (kushëriri me shoqen).
Pyetje: Çfarë kujtoni në atë moment? Sa të shtëna dëgjuat?
Kur dëgjuam të shtënat, u kthyem të dy përpara që të shihnim se çfarë po ndodhte. Por nuk arritëm të shihnim asgjë, pasi në një moment u ktheva të shoh Megin dhe pashë që po i dilte gjak. Nuk mund të them sa të shtëna, sepse nuk kujtohem dot tani.
Pyetje: Pra, ju nuk arritët të shihnit çfarë po ndodhte jashtë?
Nuk mund të shikoja më jashtë, pasi u trondita nga Megi dhe po përpiqesha ta përmendja, të shihja a ishte mirë, por pashë që ajo po mbulohej me gjak dhe gjaku nuk pushonte. Nuk po ia ndaloja dot. Menjëherë fillova të kërkoja ndihmë, s’po e kuptoja se çfarë po i ndodhte dhe përpiqesha ta nxirrja nga makina. Në një moment njoftova policinë dhe pastaj Megin e kemi çuar në spital me një makinë policie.

“Vrasësi i Megit, me kapele”

Plumbi e kapi 25-vjeçaren në kohën kur po priste në makinë me të fejuarin

Sulmi te “Komuna e Parisit”, për të riun nga Mati

Dje gjate funeralit per 25-vjeçaren e vrare te “Komuna e Parisit”

Vrasja e 25-vjeçares Megi Jokiçi ka qenë krejtësisht rastësore, pasi ajo nuk ka pasur asnjë lidhje me atentatin e ndodhur te “Komuna e Parisit”. Policia dhe Prokuroria e Tiranës pohuan dje se shtetasja 25-vjeçare që humbi jetën nga një plumb në nofull është ndodhur në momentin dhe vendin e gabuar për fatin e keq të saj, pasi atentati ka pasur si objektiv shtetasin Aleksandër Gocaj. Ky person, që sipas hetuesve ishte kontingjent policie, ndodhej në një fuoristradë me dy persona të tjerë kur ndaj tij është hapur zjarr. Grupi i hetimit, nga dëshmitarët dhe kamerat e sigurisë së disa bizneseve në vendin e ngjarjes, ka mësuar se rreth orës 21:30, një person ka zbritur nga një makinë tip “Benz” dhe ka hapur zjarr. Atentatori mbante në kokë një kapelë të ngjeshur te balli, me strehë të ulur dhe po ashtu xhupin e kishte ngritur deri te veshët që të mos identifikohej. Autori i ngjarjes, sipas Policisë, ka qëlluar drejt makinës ku ndodhej Aleksandër Gocaj me dy persona të tjerë. Njëri nga plumbat e ka prekur në shpatull 27-vjeçarin nga Mati, ndërsa plumbi tjetër ka depërtuar makinën dhe ka goditur Megi Jokiçin në nofull, duke i marrë jetën më pas. Pas atentatit me armë, autorët e krimit janë larguar, ndërsa policia beson se kanë qenë të paktën dy shtetas, njëri që ka qëlluar me armë dhe tjetri që drejtonte makinën. Policia e Tiranës tha mbrëmë se ka persona konkretë të dyshuar për atentatin ndaj Aleksandër Gocajt, ndërsa nuk ka motiv vrasja e Megi Jokiçit, pasi ajo është ndodhur rastësisht në vendin ku humbi jetën.
Hetimi
Veprimi i parë që policia ka bërë për zbardhjen e atentatit ndaj Aleksandër Gocajt, ku mbeti e vrarë 25-vjeçarja Megi Jokiçi, ka qenë sekuestrimi i kamerave të sigurisë pranë vendit të ngjarjes. Vendi i krimit ishte pranë një kazinoje te “Komuna e Parisit”, e pajisur me kamera sigurie. Po kështu, një bankë, fare pranë vendit të ngjarjes dhe një biznes privat disa metra më tutje, kanë qenë të pajisura me kamera sigurie. Policia ka sekuestruar kasetat me pamje filmime në mënyrë që të arrihej identifikimi i autorëve apo qoftë edhe identikiti i tyre. Sipas burimeve nga grupi hetimor, ende nuk është arritur ndonjë gjë konkrete që mund të ndihmojë policinë në identifikimin e autorëve. Hetimet intensive të kryera nga policia kanë përforcuar pistën kryesore hetimore, që dyshohet të jetë ajo e “larjes së hesapeve” mes autorëve të atentatit dhe objektivit të tyre, Aleksandër Gocaj. Ky i fundit ka qenë i shoqëruar nga nipi i Gentian Marës, i cili është i fejuari i këngëtares Ingrit Gjoni. Me makinën e Marës, tip “Toyota”, me targë TR 6116 U, Gocaj, i cili ishte pasagjer, ndodhej pranë vendit ku u vra Megi Jokiçi. Autorët, që dyshohet të kenë qëlluar me automatik tip “Kallashnikov” nga një makinë tip “Benz”, kanë plagosur në krah 27-vjeçarin Gocaj, i njohur me pseudonimin “Mente Koçi” dhe plumbat kanë vrarë 25-vjeçaren Jokiçi, që ndodhej në makinën e saj, fare rastësisht. Më pas autorët janë larguar me makinën e tyre. Policia gjithashtu ka marrë në pyetje shtetasen Jolanda K., e cila në orën 21:20 ka telefonuar në sallën operative të policisë, duke lajmësuar se një makinë tip “Toyota”, me ngjyrë gri, me targë TR 6116 U, ka goditur mjetin e saj.

arma
Arma e përdorur në ngjarjen ku gjeti vdekjen Megi Jokiçi ka qenë një Kallashnikov. Sipas pamjeve dhe dëshmive të siguruara nga grupi i hetimit, mësohet se vrasësi ka zbritur nga një makinë top Benz dhe më pas, ka qëlluar me një automatik kallashnikov në drejtim të makinës ku ndodhej Aleksandër Gocaj. Policia ka thënë se të shtënat kanë qenë me breshëri.

CEREMONIA
Megi Jokiçi, 25-vjeçarja që u vra mbrëmjen e së enjtes te “Komuna e Parisit” në Tiranë, u përcoll dje për në banesën e fundit. Kortezhi mortor, ku morën pjesë qindra njerëz, familjarë, të afërm, miq, kolegë, fqinjë dhe të njohur të stomatologes së re, u nis dje në orën 14:00 nga pallati ku banon familja e saj, pranë “Don Boskos”, drejt Varrezave të Tufinës në Tiranë. Arkivoli ku qëndronte trupi i pajetë i vajzës së re, e cila u vra në mënyrë tragjike vetëm pse u ndodh në vendin e gabuar, mbahej nga kushërinjtë e saj më të afërt, të cilët e mbajtën në duar deri te kryqëzimi pranë Zogut të Zi.

POLICIA
Në njoftimin zyrtar të shpërndarë për median paraditen e djeshme, Policia e Tiranës nuk dha shumë detaje në lidhje me ngjarjen ku mbeti e vrarë 25-vjeçarja Megi Jokiçi. “Rreth orës 21:30, në rrugën ‘Komuna e Parisit’ është plagosur me armë zjarri shtetasja Megi Millosh Jokiçi, 25 vjeçe, e cila u dërgua në gjendje të rëndë në SQU dhe rreth orës 23:50 ka gjetur vdekjen. Në vendngjarje është plagosur në dorë edhe shtetasi Aleksandër Gocaj, 27 vjeç, i cili ndodhet në SQU, jashtë rrezikut për jetën. Aktualisht po punohet për identifikimin e kapjen e autorit, si dhe sqarimin e plotë të rrethanave të ngjarjes në bashkëpunim me Prokurorinë”, thuhet në njoftimin e Policisë.

I plagosuri
“Objektivi”, ruhet me policë në spital

Vendi ku u plagos Aleksandër Gocaj dhe u vra Megi Jokiçi

Në Pavijonin e Kirurgjisë në Spitalin Ushtarak ndodhej dje i shtruar dhe jashtë çdo rreziku për jetën, vetëm me një plagë në krah, Aleksandër Gocaj, 27 vjeç, i cili ishte edhe objektivi i atentatit të së enjtes te “Komuna e Parisit”, ku mbeti e vrarë aksidentalisht 25-vjeçarja. Gocaj, i njohur edhe me pseudonimin “Mente Koçi”, duke qenë se është edhe dëshmitari kyç i ngjarjes dhe dëshmia e tij mund të zbardhte të gjithë ngjarjen, ruhet vazhdimisht nga dy punonjës policie të Komisariatit Nr. 2 të Tiranës. Burime nga Policia thanë se Gocaj mbahet vazhdimisht nën mbikëqyrje nga frika e ndonjë atentati të dytë që mund të kryhet ndaj tij nga personat që nuk e arritën dot vrasjen e tij dy ditë më parë. Por, njëkohësisht, edhe për shkak të rëndësisë që ai ka në lidhje me zbardhjen e ngjarjes dhe kapjen e autorëve. Të njëjtat burime konfirmuan se Aleksandër Gocaj është një prej miqve më të ngushtë të ish-efektivit të forcave speciale Halit (Donald) Dedja, i cili u vra në dhjetor të vitit 2010. Sipas burimeve nga Policia, Gocaj ishte krahu i djathtë i Dedjes dhe ka qenë pranë tij në shumë incidente e ngjarje të rënda që kanë tronditur Burrelin, por edhe Tiranën pas vitit 1997.

Dje, takimi i Kuliçajt me krerët e komisariateve
Analiza, vrasjet e dy femrave tronditin Policinë e Tiranës
TIRANE – Një analizë e hollësishme e punës së Policisë së kryeqytetit është mbajtur dje në Drejtorinë e Policisë së Tiranës e më pas edhe në Drejtorinë e Përgjithshme dhe në Ministrinë e Brendshme. Zv.drejtori për hetimin, Agron Kuliçaj, së bashku me shefin e hetimit të krimit të organizuar, Tonin Vocaj, kanë qëndruar dje për më se një orë në Drejtorinë e Policisë së Tiranës, në një analizë të situatës së kriminalitetit në kryeqytet. Në këtë takim është marrë në analizë edhe puna e Policisë në raport me ngjarjet e ndodhura njëra pas tjetrës të enjten. Në takim, veç drejtuesve të Policisë së kryeqytetit, kanë qenë edhe shefat e komisariateve. Pak orë pas takimit në Drejtorinë e Policisë, ku është kërkuar angazhim maksimal i policisë, mësohet se një analizë e ngjarjeve është bërë edhe në Drejtorinë e Përgjithshme të Policisë. Rreth orës 19:00, ministri i Brendshëm, Bujar Nishani, ka thirrur drejtuesit e Policisë në një raport për situatën.

Megi Jokiçi, nga bankat e shkollës te fejesa me Granitin

Të afërmit: Mbaroi Stomatologjinë me nota maksimale

Megi Jokiçi

Kishte mbaruar fakultetin me rezultate të shkëlqyera, kishte gjetur një punë të qëndrueshme në një firmë private dhe mbi të gjitha, kishte kurorëzuar ëndrrën e saj të dashurisë disavjeçare. Megi Jokiçi, vajza 25-vjeçare që u vra aksidentalisht mbrëmjen e së enjtes në rrugën “Komuna e Parisit”, duket se ka pasur gjithçka të sigurt, përveç jetës së gjatë. E ardhur prej Fierit në Tiranë prej shumë vitesh, ajo ishte vajza e madhe e familjes Jokiçi. Pasi kishte përfunduar gjimnazin, Megi kishte nisur studimet e larta në Fakultetin e Mjekësisë në Tiranë, dega Stomatologji. Këtu kishte krijuar miqësi me Granit Ribajn, student në të njëjtin fakultet, i cili më pas do të bëhej edhe i dashuri i saj. Ndërsa me përfundimin e fakultetit me nota shumë të larta, u fejuan zyrtarisht. Kjo ishte pak a shumë historia e Megit, të cilën na e rrëfyen dje të afërmit e saj, teksa ngushëllonin në familjen Jokiçi. “Prej gati 3 vitesh, Megi dhe Graniti ishin fejuar dhe po bashkëjetonin në një apartament në Laprakë. Po aty pranë, punonte Megi, në një klinikë private dentare. Po u shkonin punët shumë mbarë, të dy në të njëjtin profesion dhe kishin plane që në të ardhmen të hapnin vetë një klinikë, ku të punon që të dy. Megi ishte shumë e dashur me të gjithë, si për prindërit, për fisin, për shoqërinë. Me Granitin ishin të dashuruar që nga fakulteti dhe nuk rrinin dot pa njëri-tjetrin. Janë një moshë… Eh, ishin një moshë, tani Megi iku dhe na la”, tregon duke psherëtirë një e afërme e familjes Jokiçi, pas vizitës për ngushëllim në katin e katërt të apartamentit që ndodhet në rrugën “Don Bosko”. Babai i Megit, Milloshi, ishte krejt i pamundur për të folur për shkak të dhimbjes së madhe, por i nervozuar për mënyrën se si ia vranë vajzën, po ashtu edhe nëna e Megit, së cilës i rri pranë gjithë kohës vajza tjetër, Ingridi. Ajo është edhe vajza e vetme që i ka mbetur çiftit Jokiçi.

ETLEVA DELIA

*******************”

TIRANE- Vetëm dy ditë pas vrasjes së dy femrave në kryeqytet në Drejtorinë e Policisë së Tiranës lajmërohen ndryshime.

Është shkarkuar nga detyra e Drejtorit të Policisë së Tiranës, Sajmir Muça, dhe emërohet në vend të tij, Bernard Çaushaj, i cili deri në keto momente mbante postin e drejtorit ne Policinë e Korçës. Muça është transferuar në Akademinë e Rendit, ku është emëruar Kancelar.

Po kështu, Arjan Kurti ka zëvendësuar në postin e zëvendësdrejtorit të Policisë së Tiranës, Dorian Muçën. Ky i fundit është emëruar shef i seksionit të Pastrimit të Parave.  Gazmen Hamitaj është emëruar gjithashtu në pozicionin e zëvendësdrejtorit të Policisë së Tiranës. Gjergj Jorgo, ish zëvendësdrejtor në Policinë e Tiranës emërohet shef i Forcave Lëvizëse Operacionale.

Ylli Metko është emëruar drejtor i Policisë së Korçës. Artan Cuku emërohet drejtor i Policisë së Vlorës, ndersa me pare mbante pozicionin e drejtorit të hetimit të Pastrimit të Parave në Policinë e Shtetit.

Mësohet se ndryshimet do të prekin edhe qarqe të tjera në vend.

Sipas policisë, foshnja ishte e mbështjellë në një qese dhe mendohet se është hedhur në lumë gjatë orëve të fundit.

Ende nuk ka ndonjë të dhënë lidhur me vendin ku është hedhur foshnja, pasi sipas efektivave të policisë, foshnja kishte ngecur në anë të lumit. Policia e Fierit ka nisur hetimet.

Tirane/ Eleni Basho, nënë e dy fëmijëve, është vrarë në pritë me tre plumba mbrëmë në Shkozë. Vdes në spital edhe Megi Jokiçi

Vajza 24-vjeçare është goditur gabimisht mbrëmë në 21:30 te “Komuna e Parisit”, teksa po hynte në një lokal me të fejuarin. Shuhet pas 3 orësh operacion në Spitalin Ushtarak. Plagoset objektivi i atentatit, Aleksandër Gocaj. Pak orë më parë, në Shkozë, u qëllua për vdekje me tre plumba në kraharor 35-vjeçarja, laborante dentare.

Krimi i rëndë në Shkozë, policia heton për xhelozi, përjashtohet pista e vrasjes për shkak të grabitjes

Eleni Basho qëllohet me tre plumba pranë shtëpisë, ikën autori

Një laborante dentare në moshën 35-vjeçare u vra mbrëmë me tre plumba pranë banesës së saj në Shkozë të Tiranës për shkaqe të paqarta. Nëna e dy fëmijëve u gjet e vdekur në rrugë, rreth 50 metra larg shtëpisë ku banonte, ndërsa autori i krimit ka arritur të largohet. Rreth orës 18:50, në afërsi të fshatit Shkozë në Tiranë, viktima Eleni Basho, sapo kishte dalë nga shtëpia kur u përball me vrasësin. Në një zonë të pandriçuar, në mes të rrugës, ngjitur me një shtëpi përdhese, ajo u qëllua për vdekje me armë zjarri. Banorët e shtëpisë pranë së cilës ndodhi krimi kanë nxituar për të parë se çfarë kishte ndodhur dhe kanë lajmëruar menjëherë policinë, sapo kanë parë trupin e gruas të shtrirë në pellgun me ujë të krijuar nga shiu. Në vendin e ngjarjes shkuan forcat e Komisariatit Nr. 1, si dhe oficerë të krimeve kundër jetës dhe shëndetit. Policia ka transportuar fillimisht trupin e 35-vjeçares në urgjencën e spitalit “Nënë Tereza”, por mjekët kanë konstatuar se ajo kishte ndërruar jetë prej disa minutash. Grupi hetimor ka nisur pyetjen e familjarëve dhe të dëshmitarëve të ngjarjes, ndërsa nga ana tjetër, agjentët në terren kanë shoqëruar gjashtë persona si të dyshuar për krimin. Policia tha se të shoqëruarit janë kryesisht persona me precedentë penalë dhe përdorues droge, pasi fillimisht ngjarja u dyshuar si një grabitje e mundshme. Pista më e rëndësishme hetimore e policisë mbetet ajo e vrasjes për motive xhelozie. Për këtë arsye, bashkëshorti i Eleni Bashos është marrë në pyetje hollësisht nga oficerët e policisë, në rast se ai mund të kishte ndonjë dyshim rreth ngjarjes. Gjithashtu, edhe koleget e punës së 35-vjeçares në laboratorin e një klinike dentare ku ajo punonte si laborante.
VRASJA
Rreth orës 18:50, Eleni Basho ka dalë nga shtëpia e saj në Shkozë, pasi do të shkonte për vizitë te një e afërme e saj. Pasi ka bërë një copë rrugë ajo është kthyer edhe një herë, pasi kishte harruar të merrte portofolin. Në shtëpi ndodheshin i shoqi, djali, vajza e saj, si dhe vjehrri që jetonte me ta. Pasi ka dalë herën e dytë nga shtëpia, nuk ka arritur të ecë as 50 metra dhe në një rrugicë të ngushtë, të pandriçuar, ajo është qëlluar tri herë në gjoks me plumba të kalibrit 9 milimetra. Sipas Policisë, autori apo autorët e ngjarjes mund t’i kenë zënë pritë nënës së dy fëmijëve në zonën e pandriçuar dhe vrasja ka qenë e planifikuar dhe me dashje. Të njëjtat burime konfirmuan se mes autorëve dhe viktimës nuk ka pasur përleshje, por vetëm të shtënat e armës. Edhe fakti që tre plumbat e shkrepur nga arma e kanë goditur në pjesën e gjoksit 35-vjeçaren, sipas policisë, tregon se ngjarja ka qenë e paramenduar dhe e qëllimshme. Nisur nga këto rrethana, grupi hetimor ka kaluar në plan të dytë pistën e ndonjë tentative të mundshme, edhe për faktin që çanta e gruas është gjetur pranë vendit të ngjarjes. Pista kryesore e hetimit, të paktën deri në orët e vona të mbrëmjes, është vrasje për motive xhelozie.

Dëshmitarët: Dëgjuam vetëm tri të shtëna
Në kohën kur ka ndodhur vrasja e 35-vjeçares Eleni Basho, zona përreth vendit të krimit nuk ka pasur lëvizje edhe për shkak të shiut që po binte në ato momente. Vrasja ka ndodhur ngjitur me murin rrethues të një shtëpie përdhese dhe personat e parë që kanë lajmëruar policinë kanë qenë pikërisht banorët e asaj shtëpie. Ata kanë qenë edhe dëshmitarët e parë që janë marrë në pyetje nga policia, duke shpresuar se mund të jepnin ndonjë detaj të rëndësishëm për ngjarjen. Por, sipas tyre, janë dëgjuar vetëm tri të shtëna arme zjarri dhe asgjë tjetër. Ata kanë deklaruar gjithashtu se nuk kanë dëgjuar thirrje për ndihmë nga ana e viktimës dhe as ndonjë pasthirrmë tjetër. Kanë nxituar për të parë se çfarë kishte ndodhur, por nuk kanë arritur të shohin asgjë, pasi autorët ishin larguar, ndërsa viktima ndodhej e shtrirë në një pellg me ujë, në mes të rrugës.

Vritet gabimisht 24-vjeçarja

Megi Jokiçi qëllohet me një plumb në nofull, po hynte në kafe me të fejuarin

Atentati te “Komuna e Parisit”, objektiv Aleksandër Gocaj
Një vajzë 24 vjeçe u plagos fillimisht e më pas vdiq në një skenë krimi, ku është ndodhur krejt rastësisht te “Komuna e Parisit” në Tiranë. Atentati që dyshohet se ishte planifikuar ndaj një personi me precedentë penalë, ka shkaktuar vdekjen e vajzës 24-vjeçare, që besohet se nuk kishte lidhje me “larjen e hesapeve”. Ngjarja ndodhi mbrëmë rreth orës 21:30, pranë zonës së “Komunës së Parisit” në Tiranë. Një person ende i paidentifikuar ka qëlluar në drejtim të Aleksandër Gocajt, 27 vjeç, me qëllim vrasjen e tij. Rastësisht, 24-vjeçarja Megi Jokiçi ndodhej në vendin e gabuar duke marrë një plumb në kokë dhe ka vdekur mbrëmë pas mesnate në spital, pas tri orësh operacion. Ajo ka qenë bashkë me të fejuarin, në një makinë tip “Mercedes A Clas”, duke parkuar para një lokali, ku do të pinin kafe, afër një qendre tregtare. Në të njëjtën kohë, 36-vjeçari Aleksandër Gocaj ka qenë duke dalë nga i njëjti lokal, ku do të hynin çifti i të fejuarve. Një person brenda një fuoristrade tip “Nissan” ka ulur xhamin dhe pa zbritur nga makina, ka qëlluar dy herë me armë zjarri. Një nga plumbat ka goditur “objektivin” e tij, shtetasin Aleksandër Gocaj, ndërsa plumbi tjetër ka goditur xhamin e përparmë të makinës “Mercedes A Clas” të cilin e ka depërtuar. Predha ka plagosur rëndë 24-vjeçaren Megi Jokiçi që ndodhej në sedijen e parë të mjetit. Sipas burimeve, plumbi e ka goditur vajzën e re në mjekër, duke i shkaktuar një plagë të rëndë dhe shumë gjakderdhje. Ndërsa Aleksandër Gocaj, sipas Policisë, nuk ka pasur probleme dhe është jashtë rrezikut për jetën.
ARRATISJA E AUTORIT
Pasi ka dështuar në atentatin kundër Aleksandër Gocajt dhe ka vrarë vajzën 24-vjeçare, e cila nuk kishte asnjë lidhje me ngjarjen, autori është larguar me nxitim nga vendngjarja, nga frika se do të identifikohej. I dyshuari thjesht ka mbyllur xhamin e makinës, nga e cila kishte qëlluar dhe i ka dhënë gaz, duke u larguar në drejtim të rrugës kryesore të “Komunës së Parisit”. Duke lëvizur me nxitim, në fillim të rrugës, sapo fillon disheza, autori ka humbur kontrollin e automjetit dhe është përplasur me një veturë të parkuar në anë të rrugës. Pa kryer asnjë tentativë për ta lëvizur fuoristradën e tij të përplasur, i dyshuari ka zbritur dhe ka lëvizur me armë në dorë nëpër rrugicat e errëta të zonës, duke i shpëtuar kapjes nga policia, të paktën deri në orët e vona të mbrëmjes. Madje, dëshmitarët që kanë parë autorin duke u larguar nga vendi i ngjarjes kanë dyshuar se ai ka vrarë personin me të cilin ishte përplasur. Në momentin kur ai është përplasur, kishte plagosur dy persona dhe po arratisej. Burime nga grupi hetimor thanë se kanë shoqëruar për të marrë në pyetje disa persona që ndodheshin në lokal dhe jashtë tij. Gjithashtu, janë sekuestruar edhe kamerat e sigurisë që ndodheshin në disa biznese private pranë vendit të krimit. Policia ka marrë në cilësinë e provës materiale edhe fuoristradën e braktisur në rrugë, e cila mendohet se është e autorit të krimit, si dhe atë ku ndodhej vajza e plagosur dhe i fejuari i saj.

I plagosuri në atentat, mik i ish-policit të vrarë
Personi që mbeti i plagosur në ngjarjen e ndodhur mbrëmë te “Komuna e Parisit” është një prej miqve më të ngushtë të ish-efektivit të Forcave Speciale Halit (Donald) Dedja, i cili u vra në dhjetor të vitit 2010. Sipas burimeve nga Policia, Aleksandër Gocaj ishte krahu i djathtë i Dedjas dhe ka qenë pranë tij në shumë incidente e ngjarje të rënda që kanë tronditur Burrelin, por edhe Tiranën pas vitit 1997. Halit Dedja u ekzekutua në afërsi të ish-uzinës “Enver” në Tiranë, me silenciator. Policia tha se Dedja ishte mashkulli i parafundit i fisit Dedja nga Burreli që kishte mbetur gjallë, por edhe ai u ekzekutua. Vrasjet zinxhir mes dy fiseve në Burrel, Dedja dhe Kola, që e kanë zanafillën që nga konfliktet e vitit 1997, u kanë marrë jetën burrave të dy fiseve dhe tashmë jeton vetëm një trashëgimtar i tyre. Sipas Policisë, nga fisi tjetër që ishte në hasmëri me familjen e Halit (Donald) Dedjes jetojnë vetëm dy persona, njëri ndodhet në burg, i dënuar me 17 vjet për vrasje, ndërsa personi tjetër, nip i tyre, ndodhet në Angli. Ekzekutimi i 45-vjeçarit, sipas grupit hetimor, ka qenë mjaft i sofistikuar. Atentatori nuk ka lënë prova të mjaftueshme në vendin e ngjarjes dhe krimi vazhdon të jetë ende pa autor. Edhe atentatin e djeshëm që dështoi ndaj Aleksandër Gocajt, policia e lidh me vrasjen e Halit Dedjes.

Pronarët e funeraleve, sherr për të vdekurin te Morgu i Tiranës
TIRANE – Një person i vdekur është kthyer në mollë sherri mes pronarëve të dy agjencive funerale në Tiranë. Pronarët e këtyre dy agjencive janë përleshur mes tyre te dera e Morgut pas konfliktit se kush do ta merrte përsipër ceremoninë mortore. Incidenti ndodhi mbrëmjen e së mërkurës, para Institutit të Mjekësisë Ligjore, në qendrën spitalore “Nënë Tereza”, kur bashkë me familjarët e viktimës prisnin prapa derës edhe pronarët e funeraleve. Në kohën kur mjekët ligjorë bënin autopsinë e vdekjes së A. Gj., 66 vjeç, me profesion rrobaqepës, ka plasur sherri mes dy vëllezërve që kishin në pronësi një agjenci funerali dhe pronarit të një tjetër agjencie. Situata mes tyre është tensionuar në momentin kur secila palë ka mësuar se po prisnin për të njëjtën kufomë. Nga njëra anë vëllezërit e njërës agjenci, Kujtim e Gëzim R., pretendonin se janë lajmëruar nga familjarët e viktimës për të kryer shërbimin funeral të të afërmit, pasi kanë njohje me të. Ndërsa pronari i agjencisë tjetër, Armand H., pretendonte se është lajmëruar nga spitali. Pasi ka parë që situata po vazhdonte të përkeqësohej dhe tre personat filluan të godasin njëri-tjetrin me grushte e shkelma, roja i Institutit të Mjekësisë Ligjore ka lajmëruar policinë. Shërbimet e Komisariatit Nr. 4 kanë shkuar menjëherë në vendin e ngjarjes dhe kanë shoqëruar dy vëllezërit dhe personin tjetër me të cilin ata po ziheshin.

Tiranë-Durrës
Grabitet me dhunë karburanti në autostradë
Një ngjarje e rëndë ka ndodhur mbrëmjen e djeshme në autostradën Tiranë-Durrës, ku një karburant është grabitur me dhunë dhe nën kërcënimin e armëve. Mësohet se policia ka marrë njoftim rreth orës 22:00 për grabitjen e një pikë karburanti. Ngjarja ka ndodhur në orët e vona të mbrëmjes së djeshme, ndërkohë që ende nuk janë identifikuar autorët e krimit. Sipas të dhënave të Policisë në vendin e ngjarjes, dyshohet se shuma e parave të grabitura mund të jetë 20 mijë lekë. Gjatë grabitjes mësohet se autorët e ngjarjes i kanë detyruar punonjësit e karburantit që të hedhin një sasi të konsiderueshme lënde djegëse në makinë, lëndë të cilën e kanë marrë me vete në largim nga vendi ku ndodhi grabitja. Pas grabitjes me dhunë, autorët e ngjarjes u larguan nga karburanti, ndërsa rojet njoftuan policinë. Forcat e rendit u nisën drejt vendit të ngjarjes dhe pasi mbërritën aty, morën në pyetje punëtorët e karburantit, por pa arritur që të identifikojnë autorët e grabitjes.

ETLEVA DELIA/panorama/

Rasti ka ndodhur me datën 30.01.2012 në Lipjan, saktësisht në një dyqan, ku nga personat e dyshuar viktimës (mashkull), i janë grabitur para të gatshme (rreth 200 euro).

Pas një pune intensive, hetuesit policor kanë arritur të identifikojnë dhe të arrestojnë të dyshuarit

· M. Bishi, mashkull, shtetas i Shqipërisë 20 vjeç,

· L. Bellagoshi, mashkull, shtestas i Kosovës 20 vjeç dhe

· R. Gucati, mashkull, shtetas i Kosovës 33 vjeç.

Të njëjtit janë dërguar në qendrën rajonale të paraburgimit në Prishtinë, ku aktualisht hetuesit po kryejnë të gjitha veprimet e nevojshme hetimore e procedurale lidhur me rastin në fjalë para se rasti t’i kaloj gjykatës. Lajmi pwr kosovalbaner.om konfirmohet nga PK-ja.

Në shtëpinë e të dyshuarit të parë janë gjetur 17 kilogramë substancë narkotike që dyshohet se është e llojit heroinë, dhe një sasi e preparateve  për përzierje të substancave narkotike, një peshore, një mikser si dhe janë sekuestruar 15.287 euro  euro.

Në lokacionin e dytë në veturën e njërit nga të dyshuarit janë gjetur 150 gram substancë narkotike  që dyshohet të jetë e  llojit heroinë. Pastaj është kontrolluar edhe shtëpia e tij  ku janë sekuestruar 2.400  euro  dhe një pistoletë e tipit  “Cërvena Zastava” 7.65 mm dhe 50 fishekë 7.65 mm.

Në lokacionin e tretë njërit nga të dyshuarit i janë  sekuestruar 300  euro.

Në lokacionin e katërt  në  një fshat ne komunën e Prizrenit, gjatë bastisjes janë sekuestruar një peshore dhe dy  këllëf për presim të narkotikëve.

Shuma e përgjithshme e heroinës së konfiskuar është: 17 kilogramë  e 150 gramë.

Shuma e përgjithshme e parave te konfiskuara është: 17.985euro.

Janë konfiskuar edhe dy vetura.

Lidhur me këtë rast janë arrestuar 11  persona të dyshuar: A.  Q. (1977), V.  Q. (1990),

D.  Q.(1990), N.  Q. (1958), R.  N. (1966), S.  Q. (1969), H.  N. (1983), shtetas turk, Xh. V. (1968), R.  V. (1966), S  Q. (1967) dhe B.  D. (1963).k

Personat e arrestuar, të gjinjë shtetas të kosovës, pos njërit që ka shtetësi turke,  me autorizim të Kryeprokurorit të prokurorisë publike të Qarkut në Prishtinë janë ndalura për 48 orë për të vazhduar me proceduar të mëtutjeshme.

Korçë-Pogradec, vritet një person me 75 plumba

Në lidhje me vrasjen e 47 vjeçarit Myderi Verdha, të martën në një atentat në rrugën nacionale Korçë-Pogradec, policia lokale tha sot se filloi çështja penale për veprat penale “Vrasje me paramendim” dhe “Prodhim dhe mbajtje pa leje të armëve dhe municioneve luftarake”.

“Strukturat e policisë janë përqendruar në disa pista hetimi për identifikimin dhe zbulimin e autoreve te ngjarjes, për vënien përpara përgjegjësisë ligjore te tyre”, i thanë agjencisë NOA burime zyrtare nga drejtoria e Policisë Korçë.

Sakaq dalin dhe detaje të tjera nga hetimi. Vrasja ndodhi dje pasdite në rrugën nacionale Korçë-Pogradec, ne vendin e quajtur kthesa e Plloçës.

Myderi Verdho 47 vjeç, banues ne fshatin Leshnice-Pogradec, ishte në makinën e tij, kur u qëllua me armë për vdekje. Por mbi trupin e tij janë lëshuar plot 75 plumba arme zjarri automatike të llojit Kallashnikov.

Këtë e pohojnë dhe zyrtarët policorë. Ata i konfirmuan agjencisë NOA se nga këqyrja e vendit te ngjarjes te bere prej grupit hetimor, janë gjetur dhe sekuestruar në cilësinë e provës materiale 75 gëzhoja të modelit 56 kalibri 7.62mm.

Gjithashtu u gjet edhe një fishek model 56 i kalibrit 7.62mm, si dhe një bërthame majë predhe arme zjarri.

Njëkohësisht në vendngjarje në brendësi të mjetit me targa PG 5477 B, ku ndodhej trupi i pajete i shtetasit Myderi Verdho, u sekuestruan ne cilësinë e provës materiale, arma e zjarrit pistolete e tipit “Brownings” 9mm, të cilën viktima e mbante në dorë si dhe një krehër me 9 fishekë të kalibrit 9mm.

Nga kërkimet e bëra ka dalë se i ndjeri Myderi Verdho ka qenë person me precedent penal, i dënuar dy herë më parë për veprat penale “Prodhim dhe mbajtje pa leje të armëve luftarake dhe municioneve”, “Kundërshtim i punonjësve të rendit publik” dhe “Prodhim dhe mbajtje pa leje e armëve të gjuetisë dhe armëve sportive”.

IDENTIFIKOHEN DHE SEKUESTROHEN CIGARE TË
DYSHUARA TË KONTRABANDUARA

Sektori
i hetimeve rajonale kundër krimeve ekonomike, është duke ndjekur hetimet dhe
vazhdimësinë e punës së policëve patrullues, me identifikimin dhe sekuestrimin
e mallrave të dyshuara të kontrabanduara, bashkë me to edhe automjetin me të
cilin po transportoheshin mallrat.

Rreth
orës 11:30min, njësitë patrulluese të stacionit veri në Mitrovicë, janë
alarmuar në kërkim dhe ndjekje të një automjeti “VW Golf 4”, ngjyrë e kaltër,
pa targa të regjistrimit, i cili paraprakisht nuk ishte ndaluar në një pikë
kontrolli të vendosur nga Policia e Kosovës, në rrugën “Çeta e Minatorëve” në veri të Mitrovicës.

Pak
minuta më vonë, automjeti i dyshuar, është identifikuar dhe ndaluar nga njësitë
patrulluese ndërsa ngasësi i automjetit, është identifikuar si një 32 vjeçar, i
përkatësisë etnike shqiptar, i cili është vënë nën kontroll të Policisë së
Kosovës, pa ndonjë incident.

Gjatë
kontrollit fizik, brenda në automjet, Policia ka identifikuar; dhjetë (10) pako
me nga pesëdhjetë (50) boksa cigare, për të cilat ngasësi nuk posedonte asnjë
dokumentacion për prejardhjen dhe transportin e mallit të ngarkuar.

Lidhur
me këtë rast, stacioni policor veri në Mitrovicë, ka kërkuar asistencën e
hetuesve rajonal kundër krimeve ekonomike dhe të zyrtarëve të doganave të
Kosovës, për të sekuestruar mallin e dyshuar të kontrabanduar.

Malli
i sekuestruar, besohet të arrijë vlerën e rreth 5000 (pesëmijë) euro.

Automjeti
i dyshuar së bashku me mallin e ngarkuar, janë deponuar në terminalin doganor
të Mitrovicës, për regjistrim të rastit dhe inicim të procedurave  hetimore.

Sektori i hetimeve kundër krimeve ekonomike, në vazhdim
të hetimeve të këtij rasti ka zbatuar urdhër kontroll në shtëpinë edhe
lokacionet përcjellëse të dyshuarit, mirëpo nuk është gjetur asgjë e dyshimtë.

Ndaj të dyshuarit të arrestuar, është caktuar masa e
ndalimit policor me urdhër të prokurorit publik ndërsa rasti është iniciuar si
vepër penale “kontrabandë me mallra”.

Ngjarja ka ndodhur në zonën e tregut “çam” në Tiranë. Vetem pak minuta pas ngjarjes policia konfirmoi se viktima ishte Klajdi Metko, i cili kishte edhe precedente te meparshem per vjedhje.

Mendohet se vitktima është i moshës 20-25 vjeç.

Policia ka bërë shoqërimin e dy biznesmeneve  të cilët kanë goditur për vdekje të riun. Policia po heton për  rrethanat në të cilat ka ndodhur ngjarja.

ELBASAN- Renia aksidentale nga nje pallat ne ndertim i ka kushtuar jeten nje 55 vjecari. Ngjarja ka ndodhur mengjesin e sotem, ne lagjen “5 Maji” ne Elbasan.

Sipas te dhenave te para mesohet se shtetasi Naum Cakalli eshte rrezuar aksidentalisht nga skela, nderkohe qe ishte duke punuar ne pallatin ne ndertim.

Goditjet e marra nga renia nga lartesia kane bere qe punetori te gjeje vdekjen e menjehershme. Ndihma per te ka qene e kote. Ne vend kane mberritur forca te policise, qe kane nisur hetimin per zbardhjen e plote te ngjarjes dhe

Siç informon agjencia e lajmeve NOA, 35 vjeçari akuzohet për vrasjen e shqiptarve Nikolla Ekonomi 28 vjeç dhe Shkëlzen Allka 21 vjeç, kuzhinier e ndihmës kuzhinier në një restorant në Modena.

Shqiptarët u gjetën të vrarë disa javë pas ngjarjes në një makinë Fiat Punto e dalë në pah në ujrat e një kanali.

Seanca e fundit për dhënien e dënimit ndaj vrasësit zgjati plot 4 orë deri në marrjen e një vendimi për burgosje përjetë.

Sipas organit të akuzës thuhet se Morandi ishte bashkëpunëtor i viktimave në trafikun e drogës që shqiptarët dhe autori bënin nga Modena në Bolonja.

Mësohet se motivi i krimit ka qenë një borxh lidhur me shitjen e një pjese të kokainës dhe që dy shqiptarët nuk e kishin kthyer dot për shkak të disa borxheve të tjera, po në këtë linjë.

a.y/NOA

Tri ditë pas bllokimit të makinës me targa zyrtare, policia e Durrësit arreston Ledio Ruçin për 1,5 gramë kanabis.

Tri ditë pas bllokimit të makinës me targa zyrtare të deputetit Gramoz Ruçi, i biri ndalohet për drogë. Një sasi prej 1.5 gramësh kanabis sativa u zbulua nga Policia e Durrësit në derën anësore të shoferit, në makinën Volkswagen Touareg. Kjo makinë u mbajt e bllokuar nga Policia Rrugore e Durrësit mbrëmjen e së premtes, ndërsa drejtohej nga 28-vjeçari Ledio Ruçi. Në të u gjet nga kontrolli paraprak një armë sportive që i përkiste shokut të Ruçit, i cili ndodhej pasagjer në makinën e drejtuar nga djali i deputetit socialist. Policia e Durrësit arrestoi Lori Kelollin, 23 vjeç, nga Tirana dhe mbajti të sekuestruar për mungesë dokumentacioni makinën me targa TR 0141 Z. Ende pa u kryer procedurat për zhbllokimin e makinës private të familjes Ruçi, por që mbahej ende me targat zyrtare, edhe pas blerjes në ankandin e Kuvendit. Pas tri ditësh bllokimi, specialistët e Antidrogës në Durrës kanë ushtruar kontroll në makinën e Ruçit, duke gjetur sipas tyre një sasi prej 1.5 gramësh drogë, e ngjashme me kanabis sativën. Sipas Policisë, lënda narkotike është gjetur te dera e parë e mjetit, saktësisht në xhepin e derës së shoferit. Menjëherë, ndaj Ledio Ruçit është vendosur masa e ndalimit, me akuzën e prodhimit dhe mbajtjes së lëndëve narkotike. Masa është marrë pasditen e djeshme, ndërkohë që gjatë orëve të mesditës 28-vjeçari ka qenë vetë i pranishëm në Durrës. Burime të besuara thanë se vizita e tij në qytetin bregdetar kishte lidhje me mjetin e atit të tij, që iu bllokua nga policia e këtij qyteti të premten e shkuar. 28-vjeçari është interesuar për procedurat që i duhet të ndjekë, për të nxjerrë nga pika e bllokimit mjetin tip “Volkswagen Touareg”, me targa TR 0141 Z, i cili prej tri ditësh ndodhet në pikën e bllokimit në Xhafzotaj. Nga ana e Policisë së Durrësit mësohet se mjeti ishte pa dokumentacionin përkatës, i cili nis që me ndryshimin e targave, pasi makina është blerë dhe shfrytëzohet në mënyrë private. Por, pa kaluar shumë kohë nga momenti i pranisë në Durrës të Ruçit, atij i është komunikuar masa e ndalimit. Nuk dihet ende si  është shpjeguar prania e sasisë së drogës në makinë nga ana e të riut.

Brenda një harku prej 72 orësh, Ledio Ruçi është shoqëruar dy herë nga Policia e Durrësit. Tri ditë më parë, ai u shoqërua në Komisariat pasi mjeti me targa zyrtare, në pronësi të deputetit socialist Gramoz Ruçi, nuk dispononte dokumentacionin e nevojshëm. Ndërsa kthehej me dy shokë nga Gjirokastra, Ruçi nuk i ishte përgjigjur thirrjes për ndalim nga policia e qytetit jugor, e cila lajmëroi kolegët e saj. Pikërisht në hyrje të Durrës, një postbllok policie bëri ndalimin e makinës me targa Z. Gjatë kontrollit, në automjetin e lartpërmendur u gjet dhe sekuestrua në cilësinë e provës materiale një armë sportive, pushkë (pa numër), që dyshohet se posedohej nga shtetasi Lori Kelolli. Shtetasi Ledio Ruçi dhe E. Malaj, pas kryerjes së veprimeve të nevojshme procedurale, u lanë në gjendje të lirë.

Plagosja
Më 1 shkurt 2004, Ledio Ruçi dhe disa djem nga Laçi janë grindur në një Pub në zonën e ish-Bllokut, duke qëlluar me armë. Nga ngjarja mbetën të plagosur Ruçi, si dhe shtetasi Artur Ceka. Djali i deputetit Ruçi ka qenë i shoqëruar me një femër. Kanë qenë ngacmimet e një grupi djemsh nga Laçi ato që kanë provokuar Ledio Ruçin në sherrin që precipitoi me të shtëna armësh.

2 HERE
brenda tri ditësh u shoqërua për në Komisariatin e Durrësit djali i deputetit Gramoz Ruçi, por dje ndaj tij u vendos masa e ndalimit për prodhim dhe mbajtje lëndësh narkotike

1.5 GRAME
lëndë, e dyshuar si kanabis sativa, u gjet në derën e shoferit, në makinën Touareg në pronësi të familjes Ruçi, bllokuar të premten e shkuar për mungesë dokumentacioni

**********************************************************

Aksidenti ku u përfshi 28-vjeçari
Në nëntor të vitit të shkuar, Ledio Ruçi u përfshi në një aksident me makinë në Rrugën e Elbasanit në Tiranë. Mjeti BMV X6, drejtuar nga 28- vjeçari u përplas me një makinë “Mini Cooper”. Nga përplasja e fuqishme humbi jetën në spital pasagjerja e mjetit të dytë, Brunilda Pinderi dhe u plagosën dy të tjerë. Policia arrestoi drejtuesin tjetër, Edi Lika, ndërsa pas shoqërimit të Ruçit ai u la i lirë, pasi Prokuroria nuk kërkoi masë sigurie ndaj tij. Nga hetimet rezultoi fajtor shtetasi Lika, pasi ekspertiza saktësoi që ai kishte hyrë me semafor të kuq në kryqëzim. Mjetet dolën jashtë përdorimi dhe prej asaj dite, i riu qarkullonte me makinën që i ati kishte privatizuar në ankandin e zhvilluar dy vite më parë nga Kuvendi i Shqipërisë, për shitjen e makinave në pronësi të shtetit.

Një vrasje me armë zjarri u regjistrua pasditen e të martës në qytetin e Pogradecit. Policia lokale njoftoi se viktima është Myderi Verdha, rreth 50-vjeç, nga fshati Leshnicë.

Start raporton se ai është vrarë në një pritë në Qafë Plloç, ku edhe u gjet brenda automjetit të tij tip M-Benz.

Sipas policisë, ky shtetas ka pasur disa precedentë të mëparshëm penal dhe dyshohet se motivi i vrasjes të ketë qenë ai i hakmarrjes. 50-vjeçari dyshohet se ka kryer një vrasje me pagesë.