Përplaset autobusi Tiranë-Selanik, 1 i vdekur, 3 plagosen

Një person humbi jetën sot paradite në një aksident automobilistik në aksin nacional Librazhd-Elbasan. Autobusi me pasagjerë i linjës Tiranë- Selanik, me targa Tr 9338 I është përplasur me një kamion me targa kosovare i cili trasnportonte skrap, raporton BalkanWeb. Një makinë e tretë është përfshirë në aksident, ku ka humbur jetën një person. Pas verifikimeve të para policia identifikoi viktimën, ndihmës shoferi i autobusit Tom Gjinaj, 55 vjeç. Aksidenti ka shënuar dhe 3 të plagosur. Drejtuesin e autobusit Llesh Gega 50 vjeç nga Puka, një pasagjer, Liman Gega nga Burreli si dhe drejtuesin e kamionit me targa kosovare, Raif Selimi, 45 vjeç. Policia ka nisur veprimet hetimore për të zbardhur shkaqet e aksidentit.