Mehmeti titullar në fitoren e Suedisë

Sulmuesi kosovar Agon Mehmeti ishte titullar te Përfaqësuesja U-21 e Suedisë, që mposhti në udhëtim Bullgarinë me rezultatin minimal 1:0. Ndeshja është zhvilluar të martën dhe i ka takuar grupit të gjashtë eliminator për Kampionatin Evropian të vitit 2011. Mehmeti luajti deri në minutën e 92-të dhe në kohën shtesë u zëvendësua me Johan Martenssonin. Me këtë fitore ekipi U-21 i Suedisë mban vendin e parë në tabelë me 19 pikë, tri më shumë se Izraeli që renditet në vendin e dytë.