Perfunduan “Ditët e Mërgatës…”

Me moton “Bashkatdhetarë të nderuar mirë se vini në shtetin tuaj”, në Prishtinë ka nisur manifestimi tradicional treditor “Ditët e mërgatës 2010”, i cili u dedikohet mërgimtarëve të ardhur në vendlindje. Në qendër të Prishtinës, gjegjësisht në sheshin, “Nënë Tereza”, është mbajtur një koncert, me yje të estradës dhe me emrat më të njohur të muzikës shqipe. Ky manifestim me karakter gjithëkombëtar, i cili gjithashtu është dhe një ngjarje tashmë tradicionale, është organizuar në shenjë të manifestimit “Ditët e Mërgatës në Kosovë, 2010”, manifestim ky që mbodhi së bashku në një vend të gjithë shqiptarët ane mbanë botës. Zyra për mërgatën është përkujdesur që të ju ofroj argëtim me shumë aktivitete të ndryshme si: koncerte, kino verore, teatër me anemacione

të ndryshme, sfilata me veshje tradicionale, promovime librash, tryeze e rrumbullaket për diskutime, ekspozita pamore, e shumë befasi të tjera për fëmijët dhe për disponimin e mërgimtarëve, që këto ditë vere po i kalojnë në vendlindjen e tyre pranë më të dashur.

Kryeqyteti i Kosovës është stolisur me pamje festive, ndërsa rrugët janë mbushur me qytetarë të shumtë, pjesa më e madhe e tyre të ardhur nga shtetet perëndimore për të kaluar pushimet e verës.

Për orë të tëra bashkatdhetarët janë argëtuar nën tingujt e muzikës shqiptare, ku përveç këngëtareve të mirënjohur: Jehona Sopi, Gili, Enkelejda, grupi Shqiponjat e Medvegjes, Makiato Bend, Rona Nishliu, motrat Stojkaj, Teuta Kurti, Gr. TDS, Ema Isjamli, Linda Halimi. Manifesimin e ka bërë më të hareshëm Vallja e Shotës dhe Valle të tjera me motive shqiptare.

Për takimet e bashkatdhetarëve ishte kujdesur edhe ODA Ekonomike e Diasporës Shqiptare. Në një stendë të ngritur në sheshin Nëna Terezë, në mes e vendosur një sofër tipike shqiptare, mblidhte rreth vetës shumë të rinj e të reja të ardhur nga shtete të ndryshme të botës. Një organizimi i tillë sipas drejtuesve të OEDSH-së, është bërë me qëllim që të ketë një vend të caktuar ku do të takoheshin miqtë dhe shokët që për vite të tëra nuk janë parë mes vete.

Veç kësaj në sheshin Nëna Terezë janë vendosur edhe tenda të tjera, në të cilat shoqata të ndryshme nga Kosova, kanë ofruar artizanate dhe ushqime tradicionale që bashkatdhetarët mund t’i blinin me çmime të arsyeshme. Në shesh gjithashtu është edhe këndi i lodrave për fëmijët e diasporës. Ushqimi tradicional në sofër është përgatitur falas nga zyra për Çështje jorezidente në bashkëpunim me Muzeun e Kosovës nën moton “Ushqimi në atdhe”.

Në kuadër të aktiviteteve për diasporën, në Bibliotekën Kombëtare do të bëhet promovimi i 4 librave: “Udhëtimi i Qendrës Kulturore në Zvicër” nga Xhevdet Kallaba, “Të Çoroditurit” nga Rehana Doko, “Çeta e Gostivarit” nga Halit Elshani-Cen Pushkolli publicist, si dhe ”Rrefenja fluide” nga Bajram Sefaj. Mërgimtarët, në kuadër të këtyre aktiviteteve kanë pasur mundësi të shijojnë edhe produkte vendore të prezantuara nga ABK. E veshur me veshje tradicionale, punëtorja e Muzeut u ka shpërndarë të pranishmëve ushqimin tradicional, një pjesë fli, të cilën mërgimtarët e kanë shijuar me kënaqësi.

Aktivitetet në kuadër të manifestimit “Bashkatdhetarë të nderuar mirë se vini në shtetin tuaj”, do të zgjasin tri ditë, ndërsa në fund të këtyre aktiviteteve do të organizohet një koktej në Muzeun Etnologjik.

Biseduam menjerin nga percjellsit e rregullt te ketij organizimi Fadil Gashin i cili gjindet me vendbanim te perkohshem ne Fredrikstad te Norvegjise.“Ishte knaqesi te marresh pjese ne kete organizim ku partem rast te shohim program te larmishem gjate ketyre 3 dite,morren pjes shume shoqeri dhe kengetar te estrades shqiptare si dhe pati informata te ndryshme nga organet pergjegjse permergaten “u shpreh Fadili i cili edhe vet esht i njohur per organizime ne Norvegji me grupin e valltareve.

Naten e fundit e bene interesante edhe  kalorsit e “Ranqit”nga Mazgiti dhe  grupi i valltareve nga Gjakova.