Në Greqi vritet me armë zjarri 38-vjeçari shqiptar

Një emigrant shqiptar është ekzekutuar për vdekje pasditen e së premtes në Athinë. Viktima është identifikuar dhe është Genci Papakosta, 38 vjeç.
Ngjarja ka ndodhur rreth orës 19:15 në zonën e quajtur Metaksourgjeio në kryqëzimin e rrugëve Kerames dhe Viktor Ugo. Sipas dëshmitarëve, viktima është qëlluar me pistoletë në kokë dhe në gjoks, nga një person i cili është larguar në këmbë nga vendi i ngjarjes, në drejtim të paditur.
Shkaqet e vrasjes mbeten të paqarta, megjithatë policia greke po i përqendron kërkimet në dy pista hetimi, ajo e përplasjes mes bandave ose motive xhelozie.